ताजा समाचार

शिक्षाकर्मी मन के हड़ताल काली ले ….बिहनिया 11 बजे ले शुरू हो महापंचायत

जिला प्रशासन ह दीस अनुमति, 50 हजार शिक्षाकर्मी जुटही राजधानी म

बूढ़ापारा धरना स्थल म होही महापंचायत,
रायपुर। शिक्षाकर्मी मन अउ जिला प्रशासन के गुरुवार के महापंचायत ल लेके बैठक होइस,जेमा विभिन्न विषयमन म चर्चा करे गिस। प्रशासन ह शिक्षाकर्मी मन ल महापंचायत बर बुढ़ापारा धरना स्थल के उपयोग के इजाजत दे दीस हे। बैठक म कलेक्टर ओपी चौधरी के संग एसपी अमरेश मिश्रा अउ शिक्षक पंचायत के पदाधिकारी मन मवजूद रहिन हे। जिला प्रशासन ह शिक्षाकर्मी मन ले कहिन कि उमन यातायात व कानून व्यवस्था म सहयोग करय। शासन भी उमन ल पूरा सहयोग करही। ये संबंध म समस्त मोर्चा संचालक संजय शर्मा, विरेन्द्र दुबे, केदार जैन, चन्द्रदेव राय, विकास राजपूत ह कहिस कि प्रदेश के सबो शिक्षाकर्मी साथी मन निश्चित होके अपन संविलियन प्राप्ति यज्ञ, महापंचायत म सम्मलित हो बर रायपुर धरना स्थल बूढ़ातालाब म 11 मई के आही।
संविलियन सहित विभिन्न मांग मन ल लेके शिक्षाकर्मी मन ह महापंचायत बुलाए हे। महापंचायत बर शिक्षाकर्मी मन ह तीन दिन पहिली धरनास्थल म महापंचायत के अनुमति मांगे रिहस हे, लेकिन कलेक्टर ह उमन ल चर्चा के बाद कोनो जबाव देय के बात कहीस। शुक्रवार के शिक्षाकर्मी मन के तरफ ले महापंचायत बिहनिया 11 बजे ले शुरू होही। ये संबंध म शिक्षाकर्मी संघ के कहिना हे महापंचायत म तकरीबन 50 हजार शिक्षाकर्मी जुटही।

Related Articles

Leave a Reply

Your email address will not be published. Required fields are marked *

Close