रायपुर। सीएम रमन सिंह गिरौदपुरी म आयोजित गुरूदर्शन मेले म शामिल हो बर बिहनिया इहां पहुंचिस। ओमन ह सतनाम पंथ के प्रवर्तक संत गुरू घासीदास के जन्मस्थली अउ कर्मस्थली गिरौदपुरी म मंदिर अउ छातापहाड़ के दर्शन करिन।
दर्शन के बाद मुख्यमंत्री ह कहिन कि बाबा ले मय ह छत्तीसगढ़ के शांति अउ विकास बर प्रार्थना करेव। बाबा के आर्शीवाद ले 2010 से 2018 तक राज्य का विकास ह इस हो। आगू भी राज्य म शांति बहाल रहही ऐखर बर हमन ह प्रार्थना करेन हन। आगू सीएम ह किहिस कि ए बाबा के जस हवय कि आज गिरौदपुरी के आकर्षण बढ़ गेहे। हजारों लोग मन इहां आए लगे हे।
मुख्यमंत्री रमन सिंह गुरुवार के नई दिल्ली ले सुबह 8.30 बजे रवाना होके 10.20 बजे रायपुर पहुंचिस। एखर बाद वो ह सीधा बलौदाबाजार जिला के गिरौदपुरी म आयोजित गुरूदर्शन मेले म शामिल हो बर हेलीकॉप्टर ल गिरौदपुरी बर रवाना हो गे। सीएम के संग भाजपा प्रदेश अध्यक्ष धरमलाल कौशिक अउ विधानसभा अध्यक्ष गौरीशंकर अग्रवाल घलो रहिस हे।
मुख्यमंत्री ह ए अवसर म कहिन कि बाबा गुरू घासीदास के जस के अनुरूप मनखे मन के कल्याण बर उंखर संदेश देश अउ दुनिया म प्रसारित होवत हे। गिरौदपुरी म कुतुबमीनार ले ऊंचा निर्मित जैतखाम देश अउ दुनिया के लोग मन बर आकर्षण के बड़का केन्द्र हवय। गुरूदर्शन मेला म लाखों के संख्या म प्रतिवर्ष श्रद्धालु दूर-दूर ले आथे। उंखर मन के श्रद्धा अदभूत हवय। बाबा के ए पुण्य प्रताप बवय कि छत्तीसगढ़ म शांति, सदभाव अउ खुशहाली के वातावरण हवय अउ प्रदेश विकास के रास्ता म तेजी ले आगू बढ़त हवय। मुख्यमंत्री ह मेला म गुरू अउ श्रद्धालु मन ले सादगी व आत्मीयता के संग मुलाकात करिस। अउ उंखर मन के हावचाल पूछिस।
