भूपेश बनिस प्रदेश के मुखिया…सिंहदेव अउ साहू घलो लिन सपथ

रायपुर । भूपेश बघेल छत्तीसगढ़ के तीसर अउ कांग्रेस के दूसर निर्वाचित मुख्यमंत्री बनगे। इंडोर स्टेडियम म राज्यपाल आनंदीबेन पटेल ह भूपेश बघेल ल पद अउ गोपनीयता के सपथ दिलाइस। सपथ ग्रहन म कांग्रेस अध्यक्ष राहुल गांधी, मनमोहन सिंह समेत गठबंधन के तमाम नेता मवजूद रहिन। उंखर संग टीएस सिंहदेव अउ ताम्रध्वज साहू ल घलो मंत्री पद के सपथ लेहे। शपथ ग्रहन समारोह में कांग्रेस और यूपीए महागठबंधन के राजनीतिक दलों के तमाम नेता शामिल हुए।

समारोह म कांग्रेस के राष्ट्रीय अध्यक्ष राहुल गांधी, पूर्व प्रधानमंत्री मनमोहन सिंह, पर्यवेक्षक मल्लिकार्जुन खडगे, प्रदेश कांग्रेस अध्यक्ष पीएल पुनिया, मोतीलाल वोरा, राजस्थान के मुख्यमंत्री अशोक गहलोत, उप मुख्यमंत्री सचिन पायलट, मध्यप्रदेश के मुख्यमंत्री कमलनाथ,आंध्र प्रदेश के मुख्यमंत्री चंद्रबाबू नायडू, कर्नाटक के मुख्यमंत्री कुमार स्वामी, पांडुचेरी के मुख्यमंत्री नारायण सामी, राजद नेता तेजस्वी यादव सामिल होइन। एखर अलवा कांग्रेस के राष्ट्रीय महासचिव बीके हरिप्रसाद, आनंद शर्मा, उद्योगपति नवीन जिंदल आरपीएन सिंह, नवजोत सिंह सिद्धू, राज बब्बर, प्रवक्ता जयवीर शेरगिल, रागिनी नायक, सांसद अखिलेश सिंह, विधायक अश्वनी कोटवाल, मीडिया समन्वयक राधिका खेरा, ओडिशा पीसीसी अध्यक्ष निरंजन पट्नायक उपस्थित रहिन।
पूर्व मुख्यमंत्री डॉ. रमन सिंह घलो पहुंचिन, मोतीलाल वोरा ले गुप्तगू
सपथ ग्रहन समारोह म पूर्व मुख्यमंत्री डॉ. रमन सिंह घलो पहुंचिन। मंच म उंखर राज्य सभा सांसद मोतीलाल वोरा ह स्वागत करिन। मंच पर डॉ. रमन सिंह और मोतीलाल वोरा के बीच बड़े बेरा ले गुप्तगू होत रहिन। ए अवसर म डॉ. रमन सिंह ह जनता के अभिवादन घलो करिन। समारोह म प्रदेस के पूर्व मंत्री बृजमोहन अग्रवाल, पूर्व विधानसभा अध्यक्ष गौरीशंकर अग्रवाल समेत कई वरिष्ठ नेता घलो उपस्थित रहिन।