Corona: छत्तीसगढ़ म पिछिले 24 घंटा म सामने आय हे 1147 नवा मरीज, रायपुर में भी 199 पाजिटिव
जय जोहार…. छत्तीसगढ़ म पिछिले 24 घंटा म कोरोना (corona) के 1147 नवा मरीज मिले हे। उहचे 1859 संक्रमित ल बने होय के बाद अस्पताल ले छुट्टी दे दे गे हे। जबकि इलाज के दौरान 5 मरीज के मौत हो गे हे।
बीते 24 घंटा म कोरोना (corona) के जेन नवा मरीज के पहचान होय हे, ओमा रायपुर ले 199, बिलासपुर ले 99, दुर्ग ले 96, धमतरी ले 74, सरगुजा ले 71, रायगढ़ ले 68, जांजगीर-चांपा ले 64, बालोद ले 60, राजनांदगांव ले 57, महासमुंद ले 55, जशपुर ले 41, बलौदाबाजार ले 39, कोरबा ले 36, सूरजपुर ले 34, कोरिया ले 26, बेमेतरा ले 19, कबीरधाम ले 15 मरीज हे।
बता देन कि प्रदेश म कोरोना (corona) संक्रमण के मामला ह बाढ़ के 2 लाख 81 हजार 654 हो गे हे। जेमा ले 10 हजार 517 एक्टिव मामला हे। उहचे 2 लाख 67 हजार 751 लोगन मन ल स्वस्थ होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 3386 लोगन मन के मौत हो गे हे।
