Corona: छत्तीसगढ़ म फेर मिले हे कोरोना के 30 नवा मरीज

जय जोहार…. छत्तीसगढ़ म कोराना (corona) संक्रमित मरीज मन के संख्या ह कम होय के नाम नई लेवत हे। राज्य म बुधवार के कोराना संक्रमित 30 नवा मरीज के पहचान होय हे।

आज जेन कोरोना (corona) के नवा मरीज मिले हे, ओमा पुलिस मुख्यालय के 9 कर्मचारी अउ ट्रैफिक पुलिस के दू जवान ह शामिल हे।
एमा पुलिस मुख्यालय म पदस्थ एक एडीजी के दू ड्राइवर, पुलिस हाउसिंग बोर्ड के छह कर्मचारी अउ एसआईबी के एक कर्मचारी हे। एखर पाजिटिव पाय जाय के बाद पूरा पुलिस विभाग म हड़कंप मच गे हे।

डीजीपी समेत पीएचक्यू के कई अधिकारी, एसआईबी अउ ट्रैफिक थाना के कर्मचारी मन ल अब होम क्वारेंटाइन म जाय ल पड़ सकत हे।
आज जेन 30 पाजिटिव मरीज ह मिले हे, ओमा पुलिस विभाग के आलावा पांच लोगन मन ह विदेश यात्रा ले लहुटे हे, दू दूसर राज्य ले, तीन स्वास्थ्य कर्मी, एक गृहिणी, दू गर्भवती महिला, एक इलेक्ट्रानिक मीडिया के रिपोर्टर, तीन अइसे लोगन मन हे, जेन कोरोना पाजिटिव के संपर्क म आय रिहिस। ऊहचे दू अइसे लोग घलो हे, जे मन ल ट्रेस नई करे जा सके हे।
बता देन कि राजधानी म कोरोना (corona) संक्रमित कुल मरीज मन के संख्या ह बाढ़ के 354 हो गे हे। जेमा ले सक्रिय केस के संख्या ह 148 पहुंच गे हे। ऊहचे 204 लोगन मन ह स्वस्थ हो के अपन घर लहुट चुके हे।