23 दिसंबर ले सकत हे मंत्रि मन सपथ…  आज संझा दिल्ली जाही बघेल

रायपुर। लंबा चले मंथन के बाद छत्तीसगढ़ के मुख्यमंत्री के नाम त फाइनल होइस लेकिन मंत्री मन के नाम म सहमति बनना बाकी हे। मुख्यमंत्री भूपेश बघेल आज पार्टी आलाकमान ले मिले दिल्ली जावत हे।

मुख्यमंत्री भूपेश बघेल ह मंत्री मन के नाम तय करे बर आज संझा दिल्ली जावत हे।  संभव हे के 23 दिसंबर के मंत्री मन के सपथ ग्रहन समारोह होवय।  बघेल आज दिल्ली  म कांग्रेस अध्यक्ष राहुल गांधी ले मुलाकात करही। पार्टी अध्यक्ष के संग मंत्री मन के नाम ल लेके चर्चा करही। माने जात हे के मंत्री मन के नाम  म सहमति बने के बाद आगामी 23 दिसंबर के मंत्रिमंडल के गठन होही अउ  मंत्री सपथ लेही। बता दन के सीएम भूपेश बघेल के संग दू विधायक टीएस सिंहदेव अउ ताम्रध्वज साहू ह मंत्री पद के सपथ लीस हे।  प्रदेस म मुख्यमंत्री समेत कुल 13 मंत्री के कोटा हवय। अइसे म बाकी बचे 10 जगह म  कउन-कउन सामिल करे जाही एखर  कयास के दउर जारी हवय।