Jayjohar
Whatsapp Facebook Twitter Youtube
Jayjohar

Type and hit Enter to search

  • होम
  • जोहार छत्तीसगढ़
  • नवा छत्तीसगढ़
  • राजनीति
  • मनोरंजन
  • रचनाकार
  • एक्सक्लूजिव
  • Youtube Video
    • जोहार पहुना
    • जोहार सितारा
    • जोहार सिनेमा
    • गाना जोहार
    • फिलिम जोहार
    • काव्य जोहार
    • जोहार बिसेस
    • जोहार संस्कृति
  • LIVE
chhattisgarh
रचनाकार

नवा बछर बर लेख… नवा बिहान के आस

www.jayjohar.com
www.jayjohar.com
December 28, 2018 3 Mins Read
1.2K Views
0 Comments

सुशील भोले

मुंदरहा के सुकुवा बिखहर अंधियारी रात पहाये के आरो देथे। सुकुवा के दिखथे अगास म अंजोर छरियाये के आस बंध जाथे। चिरई-चिरगुन मन चंहचंहाये लगथे, झाड़-झरोखा, तरिया-नंदिया आंखी रमजत लहराए लगथें। रात भर के खामोशी नींद के अचेतहा बेरा के कर्तव्य शून्य अवस्था ले चेतना के संसार म संघराये लगथे। तब कर्म बोध होथे, अपन धरम-करम के गोठ सुझथे, सत्-सेवा के संस्कार जागथे, अपन-बिरान अउ अनचिन्हार के पहिचान होथे।

नवा बछर घलो बीतत बछर के अनुभव के माध्यम ले लोगन ल अइसने किसम के नवा आस देथे, नवा बिसवास देथे, नवा रस्ता देथे, नवा नता-गोता, संगी-साथी अउ हितवा मन के संसार देथे। अपन पाछू के करम मन के गुन-अवगुन अउ सही गलत के पहिचान कराथे। करू-कस्सा, सरहा-गलहा मन ले पार नहकाथे, खंचका-डबरा अउ कांटा-खूंटी मन ले अलगे रेंगवाथे। तब जाके मनखे ह मनखे बनथे, वोकर छाप ह जगजग ले उज्जर अउ सुघ्घर दिखथे। लोगन ओला संहराथें, पतियाथें अउ आदर्श मान के ओकर अनुसरण करथें।

छत्तीसगढ़ अभी घलो विकास के दृष्टि ले भारी पिछड़े हवय। लगभग दू दशक बीतत हावय, एकर स्वतंत्र अस्तित्व के सिरजन होये। तभो एकर मूल संस्कृति, अउ आस्मिता बर कोनो बने गढ़न के सुध लेवइया नइ मिले हे, जबकि इही अवस्था ककरो भी निर्माण के बेरा होथे। वोला सुंदर आकार, संस्कार अउ सदाचार के गुन म पागे के। आज जइसे एकर नेंव रचे जाही, तइसे काल के एकर स्वरूप बनही। सैकड़ों अउ हजारों बछर ले पर के गुलामी भोगत ये माटी के रूआं-रूआं म लूटे के, हुदरे के, चुहके के, टोरे के, फोरे के, दंदोरे के, भटकाये के, भरमाये के, तरसाये के, फटकारे के चिनहा दिखत हे। इहां के मूल निवासी समाज आज भी उपेक्षा अउ षडयंत्र के शिकार हे।

अभी घलोक एला अपन पूर्ण स्वरूप के चिन्हारी नइ मिल पाये हे। काबर ते कोनो भी राज के चिन्हारी वोकर खुद के भाखा अउ खुद के संस्कृति के स्वतंत्र पहिचान ले होथे, जे अभी तक अधूरा हे। अउ ये स्वतंत्र स्वरूप के चिन्हारी आज के पीढ़ी ल करना परही। हमर ददा-बबा मन के पीढ़ी ह एला स्वतंत्र पहिचान देवाये खातिर एक अलग प्रशासनिक ईकाई के रूप म तो बनवाये के बुता ल पूरा कर देइन। अब एकर संवागा के जोखा हम सबके हे। कइसे एला आकार देना हे, विस्तार देना हे, पहिचान देना हे, साज अउ सिंगार देना हे, ये हमार पीढ़ी के बुता आय।

ददा-बबा मन जेन सपना ल देखे रहिन हें, वो सपना ल, वो सुघ्घर रूप ल हमन ल गढ़ना हे। एकर भाखा ल, साहित्य ल, कला ल, संस्कृति ल, जुन्ना आचार-व्यवहार ल, जीये के उद्देश्य अउ धर्म-संस्कार ल हमन ल बनाना हे। एकर बर पूरा ईमानदारी के साथ हर किसम के स्वारथ ले ऊपर उठ के समरपित भावना ले काम करे के जरूरत हे।

कहे के नाम ले इहां छत्तीसगढ़ राजभाषा आयोग के गठन कर दिए गे हे। एक दशक एकरो स्थापना ल होय होगे हवय, फेर नेंग छूटे के छोंड़ ए आयोग छत्तीसगढ़ी भाषा खातिर कोनो ठोस बुता नइ कर पाए हे। लागथे उहां काम करइया मन के नीयत ईमानदार नइ रिहिस होही, नइते दस साल कम नइ होवय कोनो भाखा ल जमीनी रूप म स्थापित करे बर। आयोग म जे मन ल सरकारी प्रतिनिधि बना के बइठारे गे रिहिस उहू मन हा-हा भकभक करे अउ लबारी के उपलब्धि  के नाव म शेखी बघारे के छोड़ अउ कुछू नइ करिन।

छत्तीसगढ़ ल अपन पूर्ण स्वरूप के चिन्हारी मिलय इही आसा अउ बिसवास के साथ आप सबो झन ला नवा बछर के बधाई अउ जोहार-भेंट…..

सुशील भोले
54-191, डॉ. बघेल गली, संजय नगर रायपुर, 98269-92811

Tags:

ChhattisgarhChhattisgarhi Bhasa

Share Article

Other Articles

मंत्रिमंडल के विस्तार
Previous

नवां सरकार….. कैप्टन बघेल के 11 प्लेयर तइयार……. एक के इंतजार

विधानसभा नेता प्रतिपक्ष बर दावेदारी
Next

अइसन करना सोभा नइ देवय डॉ. रमन सिंह ल…भाजपा म मतभेद…

Next
विधानसभा नेता प्रतिपक्ष बर दावेदारी
December 31, 2018

अइसन करना सोभा नइ देवय डॉ. रमन सिंह ल…भाजपा म मतभेद…

Previous
December 25, 2018

नवां सरकार….. कैप्टन बघेल के 11 प्लेयर तइयार……. एक के इंतजार

मंत्रिमंडल के विस्तार

Related Posts

WhatsApp Image 2026 11 13 at 6.36.24 PM

मुंगेली को 465 करोड़ के विकास कार्यों की सौगात, किसानों को मिलेगी 13,839 रुपए प्रति एकड़ सहायता

Editor Editor
November 13, 2026
WhatsApp Image 2026 11 13 at 7.35.11 PM

मंजूरी प्राप्त निविदा वाले कार्यों के कार्यादेश जल्द जारी करने के निर्देश

Editor Editor
November 13, 2026
WhatsApp Image 2026 11 12 at 6.00.30 PM

सूर्य घर योजना से नारायणपुर के 327 परिवारों को राहत, हरीश ठाकुर का बिजली बिल आया शून्य

Editor Editor
November 12, 2026
pioneer 20261030 205455 524d6338 1

खैरागढ़ जिले में खुले 21 नए धान खरीदी केंद्र, अब 72 केंद्रों में होगी खरीदी

Editor Editor
November 11, 2026

Follow Us

Whatsapp Facebook Twitter Youtube

Digital Viral


Anupama Chandrakar


MDD 94, Kabir Nagar


Raipur Chhattishgarh
+917470833699


email: jayjohar2017@gmail.com

Category

  • छॉलीवुड समाचार
  • हमर रचनाकार
  • सियासत
  • नवा छत्तीसगढ़
Jayjohar
© Copyright 2026, All Rights Reserved | Jay Johar Media | जय जोहार मीडिया.
  • होम
  • हमर छत्तीसगढ़
  • एक्सक्लूजिव
  • राजनीति
  • छॉलीवुड
  • लाइव
  • रचनाकार
  • जय जोहार चैनल | जोहार पहुना कार्यक्रम
  • जय जोहार चैनल | जोहार सितारा कार्यक्रम
  • जय जोहार चैनल | जोहार सिनेमा कार्यक्रम
  • जय जोहार चैनल | जोहार बिसेस कार्यक्रम
  • poem
  • जय जोहार चैनल | गाना जोहार कार्यक्रम
  • LIVE:भरोसे का सम्मलेन (ठेकवा, राजनांदगांव)
  • जय जोहार चैनल | फिलिम जोहार कार्यक्रम
  • छत्तीसगढ़ में आदिवासी नेतृत्व गढ़ रहा है विकास के नए सोपान
  • जय जोहार चैनल | काव्य जोहार कार्यक्रम
  • जय जोहार चैनल | जोहार संस्कृति कार्यक्रम
  • जय जोहार | Jay Johar – हमर माटी हमर भाखा | छत्तीसगढ़ी समाचार