रायपुर. लोकसभा चुनाव 2019 बर तारीख मन के ऐलान के बाद कांग्रेस के राष्ट्रीय अध्यक्ष राहुल गांधी शुक्रवार के पहिली बेर छत्तीसगढ़ के राजधानी रायपुर पहुंचिन. रायपुर म एनजीओ मायाराम सुरजन फाउंडेशन के ओर ले यूनिवर्सल हेल्थ स्कीम म आयोजित सेमिनार म राहुल गांधी सामिल होइन. एखर बाद मीडिया ले चर्चा म कांग्रेस अध्यक्ष ह केन्द्र के मोदी सरकार उपर निशाना साधिस.
रायपुर म मीडिया ले चर्चा म कांग्रेस के राष्ट्रीय अध्यक्ष राहुल गांधी ह कहिन, ए बेरा म देश म तीन ही बड़का मुद्दा हवय. ए मुद्दा ल हल करे म नरेन्द्र मोदी फेल हो गे. राहुल ह कहिन, देश म सबले जरूरी अउ बड़का मुद्दा बेरोजगारी हवय. दूसरा मुद्दा भ्रष्टाचार हे. सीबीआई डॉयरेक्टर ल रात डेढ़ बजे सरकार ह निकलिस.एखर बाद सुप्रीम कोर्ट ह कहिन के, वापास लेव, एखर बाद फेर ले हटा देय गिस.
मीडिया ले चर्चा म राहुल गांधी ह कहिन, देस म तीसर मुद्दा किसान मन के हे. छत्तीसगढ़ म दू दिन के अंदर किसान मन के कर्जा हमन माफ करेन. नरेन्द्र मोदी ह 5 साल किसान के बात रोज करथे, लेकिन उंखर बोनस छीन लेथे. कर्जा
माफ नइ करय. वडक्कन के पार्टी छोड़े म राहुल कहिन, वडक्कन कोनो बड़का लीडर नइए. उंखन पार्टी छोड़े ले कोनो खास असर नी हो ही.
एती प्रदेश कांग्रेस प्रभारी पीएल पुनिया ह कहिन के, कांग्रेस यूनिवर्सल हेल्थकेयर ल अपन घोषणा पत्र म शामिल कर सकत हे. उम कहिन के, यूनिवर्सल हेल्थकेयर म पूरी दुनिया म चर्चा हे. स्वास्थ्य मंत्री टीएस सिंहदेव ह कहिन के, यूनिवर्सल हेल्थ केअर ल लागू करे जाही अउ मुख्यमंत्री ह बजट म प्रावधान करे हवय.
Other Articles
चुनावी फंड जुटाए बर जियादा कीमत शराब बेचत हे कांग्रेस सरकार
