पहिली सड़क बनाइस फेर पाइप लाइन बिछाए के नाम म खोदिस गड्ढा

नगर निगम के अफसर मन अउ ठेकेदार मन के सांठ-गांठ ले सड़क मन के बुरा हाल

रायपुर. रायपुर नगर निगम के अफसर अउ ठेकेदार मन के सांठ-गांठ ले सड़क मन के बुराहाल होवत हे. ननि म अफसर मन अउ ठेकेदार मन के मिलीभगत साफ नजर आवत हवय.

बता देवन के रायपुर नगर निगम के ठेकेदार पहिली सड़क बनाथे. फेर नाली या पाइप लाइन बिछाए के नाम म गड्ढा खोदथे. जेखर सेती राज्य सरकार ल करोड़ों के चूना त लगथे ही संग ही आम लोगन ल बिना प्लानिंग के कराएगे काम मन के चलत भारी परेशाना के सामना घलो करना पड़त हे, जिखरल सड़क मन के बुरा हाल होवत हवय. उहें सड़क खराब होय म दुबारा पेच वर्क कराए जाथे. जेखर ले मोटी कमाई हो जाथे.

रायपुर नगर निगम क्षेत्र के पड़ताल करे जाए त देखे बर मिलही के सहर म पानी के पाइप लाइन डाले के नाम म अच्छा खासा सड़क मन ल बर्बाद करेजात हे. पूरा मामला ल ले के जब स्थानीय लोग मन ले पूछे गिस त उमन अफसर मन अउ ठेकेदार मन उपर आरोप लगात हुए कहिन के, सड़क मन के बुरा हाल करे म निगम के अधिकारी अउ ठेकेदार मन के मिली भगत हे. एखर सेती बगैर प्लानिंग सहर म काम करे जात हे.

शहर के गुढ़ियारी, श्रीनगर अउ शंकर नगर समेत सबो इलाक मन के पड़ताल करे गिस. जिहां पाए गिस के पहिली सड़क बनाय गिस. फेर पानी के पाइप लाइन अउ नाली बनाए के नाम म अच्छा खासा सड़क मन ल बर्बाद करे गिस हे. पूरा मामला ल ले के निगमायुक्त शिव अनंत तायल ले बात करे गिस त उमन ह आश्वासन देत हुए कहिन के मामला के जांच कराएं जाही अउ निगम अफसर मन ल प्लानिंग ले काम कराए के हिदायत दे जाही.