स्काई वॉक ल लेके जनमत संग्रह करइस बघेल सरकार जनता हे विरोध में

रायपुर विवादास्पद स्काईवॉक के निर्माण ल लेके आज तक जनता विरोध करत हे। मुख्यमंत्री भूपेश बघेल के सरकार ह  स्काई वॉक ल लेके जनमत संग्रह करइस जेमा जनता विरोध में हे। ऐखर बाद मुख्यमंत्री भूपेश बघेल ह स्काईवॉक ल हटाय के संकेत देहे।येकर स्वागत करत पश्चिम विधानसभा के विधायक विकास उपाध्याय ह किहिन कि पहिली के लोक निर्माण मंत्री राजेश मूणत के हठ ले स्मारक के रूप में स्काई वॉक खड़े होइस। जनता स्काई वॉक निर्माण के बेरा ले अब तक येकर विरोध करत हें।

राजधानी में स्काई वॉक के कोई उपयोग नइ हे जे जगा स्काई वॉक बनाय गेहे असल में उहां फ्लाईओवर ही बनना रिहिस जेहा ट्रैफिक समस्या ले निजात देवातिस। उपाध्याय ह किहिन कि  स्काई वाक के विरोध के आगू भाजपाइ मन के कमीशनखोरी और भ्रष्टाचार भारी परगे। कमीशन खोरी के गुलाबी नोट के रंगीन चश्मा पहिने भाजपा नेता के विरोध में खड़े आम जनता के हाथ के काला झंडा नजर  नी अइस ।आम जनता के बात ल सुने जातिस ते निश्चित तौर म स्काई वाक बनाय म करोड़ो रुपए खरचा नी होतिस। राजधानी बर बेकार हो चुके स्काईवॉक ल हटाना कांग्रेस सरकार के मजबूरी हे।  आज भाजपा के नेता स्काईवॉक बर सवाल उठावत हें।

भाजपा के नेता मन ल तो स्काई वाक के विषय में बोले के अब अधिकार ही नहीं हे। जनता ह वोमन ल अधिकारहीन कर देहे। विकास उपाध्याय किहिन कि कमीशन बर पूर्व मंत्री राजेश मुणत भाजपा ह तो गरीब जनता के मकान- दुकान तक ल तुड़वा दिस। का ये  विकास हरे ? कांग्रेस  सरकार अब गरीबों के घर बसाना जारी करे हे जेला भाजपा के सरकार ह टोरे हे। गरीब विरोधी भाजपा के असल चेहरा तो जनता पहचान चुके हे। 15 साल के भाजपा सरकार के भ्रष्टाचार उजागर होवत हे। भाजपा सरकार मनमानी करत रिहिस। जनता के आवाज ल अनसुना करे के नतीजा हे राजेश मूणत, श्रीचंद सुंदरानी अउ पूरा भाजपा के सरकार ल जनता  नकार देहे।