जवान मन ला मिलिस बड़े सफलता, आठ लाख के नक्सली ला मार गिराइस

दंतेवाडा। नक्सली मन हा एक बार फेर झीरम जइसे बड़े नक्सली घटना ला अंजाम दे के फ़िराक मा हे। इंटेलीजेंस के ऐ सुचना मा विभाग में हडकंप हे। जेकर बाद नक्सली मन के योजना ला नाकाम करे बर बड़े संख्या मा सुरक्षा बल ला मौका में भेज दे गे हे। जिहां नक्सली अउ पुलिस के बीच मा मुठभेड़ होए हे। ऐ मुठभेड़ मा बड़े सफलता हासिल करत हमर जवान मन हा आठ लाख के नक्सली ला मार गिराईस। मारे गे नक्सली के नाम देवा हे। मृतक नक्सली हा 26 नंबर प्लाटून के डिप्टी कमांडर रहिस, अभी भी जवान मन हा सर्चिंग अभियान ला जारी रखे हे।

दंतेवाडा के एसपी अभिषेक पल्लव हा जय जोहर ला बताइस कि नक्सली मन हा बड़े नक्सली हमला ला अंजाम दे के फ़िराक मा बलांगीर अउ कटेकल्याण इलाका मा जमा होए रहिस, जेकर सुचना मा जवान मन निकले रहिस जिहां जवान अउ पुलिस के बीच मुठभेड़ होइस, जे में जवान मन हा एक झन नक्सली ला मार गिराइस।