रमन सिंह के भूपेश बघेल ल दू टूक, राज्य म हे रामराज त आपस ले लय मोर सुरक्षा

रायपुर। प्रदेस म महापुरुष के सियासत के बाद अब सुरक्षा बर राजनीति घलो शुरू होगे हे। राज्य के मुखिया भूपेश बघेल ह कुछु दिन पहिली पूर्व सीएम रमन सिंह बर तंज कसत कहे रिहिस कि मैं ह अपन काफिला के गाड़ी मन ल कम करें ह, एकर से फिजूल खर्च ह कम होते, मैं ह कोनो ल सलाह नई देवव, खुद म आत्म मंथन करे मईनखे मन। जेकर बाद अब डॉ. रमन ह पलटवार करत कहे हवे कि प्रदेस म अगर राम राज हे त मोर सुरक्षा ल आपस ले लय।

ओहो आगु किहिस मैं ह कोनो ले सुरक्षा नई मंगेव हव। सुरक्षा के फैसला ल हमन नई करन। ए फैसला ह केंद्र के होथे। केंद्र ल पता हवे कोन ल कहां कतेक खतरा हे. ओकर हिसाब ले फैसला ले जाथे।