यौन शोषण के आरोप म टीआई लाइन अटैच, आईजी ह दिस निर्देश

पत्थलगांव। जिला म यौन शोषण के आरोप म एक झन टीआई ल लाइन अटैच कर दे गिन हे। ये मामला म पुलिस प्रशासन ह कड़ा रूख इख्तियार कर ले हे। शिकायत म जांच सही पाए जाही त उंखर ऊपर बड़का एक्शन लिए जा सकत हे। टीआई ओमप्रकाश ध्रुव ऊपर आरोप हे कि वो ह शादी के झांसा देके दू साल तक एक महिला के यौन शोषण करत रिहिस, वो महिला ह गर्भवती घलो हो गे रिहिस।

जानकारी के मुताबिक डीजीपी के निर्देश के बाद सरगुजा आईजी केसी अग्रवाल ह टीआई ओमप्रकाश ध्रुव ल लाइन अटैच करे निर्देश दिस हे, संगे-संग ये पूरा प्रकरण के जांच रायगढ़ के एसपी संतोष कुमार सिंह ल सौंपेनि हे। एसपी संतोष सिंह के रिपोर्ट के आधार म ये मामला म अब आगे के कार्रवाई होही।

महिला ह पहिली शिकायती पत्र जशपुर के एसपी शंकरलाल बघेल ल सौंपे रिहिन। जेकर बाद एसपी ह शिकायत ल पुलिस मुख्यालय भेजिस हे।

उंहे एसपी ह ये प्रकरण के जांच एडिशनल एसपी उनेजा खातून ल सौंपे रहीस। एडिशनल एसपी के रिपोर्ट मिले के बाद जशपुर एसपी ह प्रारंभिक जांच रिपोर्ट आईजी सरगुजा अउ डीजीपी ल भेजीस हे, तेकरे बाद कार्रवाई के निर्देश आईजी ह दिस हे।