कोरोना के खौफ, शासकीय कार्यालय मन म सीमित होही उपस्थिति, सामान्य प्रशासन विभाग ह जारी करिस आदेश

जय जोहार रायपुर…. राज्य शासन के तरफ ले कोरोना वायरस के संक्रमण के रोकथाम अऊ नियंत्रण बर सबो शासकीय कार्यालय म अधिकारी अऊ कर्मचारी मन के उपस्थिति ल सीमित किए जाना के निर्देश जारी करे गे हे। ए संबंध म सामान्य प्रशासन विभाग के तरफ ले शासन के सबो विभाग, अध्यक्ष राजस्व मंडल, समस्त संभागायुक्त, कलेक्टर अऊ समस्त विभागाध्यक्ष ल परिपत्र जारी करे गे हे।

सामान्य प्रशासन विभाग ह परिपत्र म केहे हे कि जेन अधिकारी अऊ कर्मचारी ल कार्यालय आए म छूट दे गे हे। ओ हा घर ले शासकीय कार्य संपादित करे ल, मोबाइल, टेलीफोन अऊ अन्य इलेक्ट्रानिक माध्यम ले संपर्क म बने रहे ल अऊ आवश्यकता होए म कार्यालय म उपस्थित होए बर निर्देशित करे जाए। अधिकारी अऊ कर्मचारी ल तीन पाली म उपस्थित होए बर केहे गे हे। प्रथम पाली म बिहिनिया 10 बजे ले शाम पांच बजे तक, द्वितीय पाली म बिहिनिया 10.30 बजे ले शाम 5.30 बजे तक अऊ तृतीय पाली म बिहिनिया 11 बजे ले शाम छह बजे तक रखे जा सकत हे।