Corona: देश म पिछिले 24 घंटा म होय हे 15 हजार ले जादा नवा मरीज के पहचान, पढ़व

जय जोहार…. देश म बीते 24 घंटा म कोरोना (Corona) के 15 हजार ले जादा नवा मरीज ह सामने आय हे। उहचे 16596 संक्रमित मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 77 मरीज के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 15388 नवा मरीज मिले हे। एला मिला के कोरोना संक्रमण के मामला ह 1 करोड़ 12 लाख 44 हजार 786 हो गे हे। जेमा ले 1 लाख 87 हजार 462 एक्टिव मामला हे।

उहचे 1 करोड़ 08 लाख 99 हजार 394 लोगन मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 57 हजार 930 मरीज मन के मौत हो गे हे।