chhattisgarh : मुख्यमंत्री भूपेश बघेल ह करीन गोधन न्याय योजना के हितग्राही मन ल 10.70 करोड़ रुपिया के भुगतान, पढ़व
जय जोहार। (chhattisgarh) मुख्यमंत्री भूपेश बघेल ह आज बलरामपुर जिला के राजपुर म आयोजित कारीकरम के दउरान गोधन न्याय योजना के तहत पशुपालक ग्रामीण, गौठान ले जुड़े महिला समूह अउ गौठान समिति ल 10 करोड़ 70 लाख रुपिया के रासि ऑनलाइन जारी करीन । ए रासि म 16 अप्रैल ले 30 अप्रैल तक राज्य के गौठान म पशुपालक ग्रामीण, किसान, भूमिहीन मन ले गोधन न्याय योजना के तहत ख़रीदे गोबर के एवज म 2.34 करोड़ रुपिया के भुगतान अउ गौठान समिति ल 5.04 करोड़, महिला समूह ल 3.32 करोड़ रुपिया के लाभांस रासि सामिल हे ।
ए अवसर म (chhattisgarh) कृषि मंत्री रविन्द्र चौबे, नगरीय प्रसासन मंत्री डॉ.शिव कुमार डहरिया, संसदीय सचिव चिंतामणि महाराज, मुख्यमंत्री के सलाहकार प्रदीप शर्मा, मुख्य सचिव अमिताभ जैन, मुख्यमंत्री के अपर मुख्य सचिव सुब्रत साहू, प्रमुख सचिव अउ समन्वयक गोधन न्याय मिसन आलोक शुक्ला, कृषि उत्पादन आयुक्त डॉ.कमलप्रीत सिंह उपस्थित रिहीन।
मुख्यमंत्री भूपेश बघेल के वायदा के मुताबिक गोधन न्याय योजना के रासि के हरेक पखवाड़ा नियमित रूप ले भुगतान करे जात हे। (chhattisgarh) मुख्यमंत्री ह जनता ले भेंट-मुलाकात कारीकरम के सेती 11 मई तक सरगुजा संभाग के दउरा म रही । गोधन न्याय योजना के रासि जारी करे म विलंब नई हो एखर सेती मुख्यमंत्री भूपेश बघेल ह आज बलरामपुर जिला के राजपुर ले ए योजना के हितग्राही मन ल 43वां क़िस्त के रूप म 10.70 करोड़ रुपिया के रासि ऑनलाइन जारी करीन ।
