chhattisgarh : सीएम ह दीन हे सूरजपुर म पत्रकार भवन बर 25 लाख रुपिया के मंजूरी, भेंट-मुलाकात अभियान के दउरान करीन घोसना
जय जोहार। (chhattisgarh ) मुख्यमंत्री भूपेश बघेल ह अपन भेंट-मुलाकात अभियान के दउरान सूरजपुर म प्रेसवार्ता म पत्रकार मन ले रूबरू होइन। ए दउरान सीएम ह ओमन ल सासकीय योजना अउ ओखर जिला म क्रियान्वयन के स्थिति ले अवगत कराइन। ए अवसर म सीएम ह सूरजपुर म पत्रकार भवन बर 25 लाख रुपिया दे के घोसना करीन अउ पत्रकार भवन बर कलेक्टर ल भूमि चिन्हांकित करे के निर्देस देहे ।
(chhattisgarh ) सीएम ह किहीन कि राजीव गांधी किसान न्याय योजना, राजीव गांधी ग्रामीण भूमिहीन कृषि मजदूर न्याय योजना, गोधन न्याय योजना अउ स्वामी आत्मानन्द स्कूल योजना अच्छा ले संचालित होवत हे । राजस्व ले संबंधित सिकायत मिले हे, ओखर निराकरण सुरू कर दे गेहे । वो हा बताइन कि प्रसासन म कसावट लाय बर ऑनलाइन कॉल सेंटर खोलत हन।
सीएम ह किहीन कि प्रदेस म ग्रामीण अर्थव्यवस्था ल मजबूती दे के काम करे जात हे । (chhattisgarh ) गौ मूत्र के संग्रहण, ओखर भंडारण प्रोसेसिंग, खरीदी रेट, बने उत्पाद बर मार्केट अउ ए सब बर आंकलन करे बर कमेटी बनाय हन । गो मूत्र खरीदी के योजना म प्रोजेक्ट रिपोर्ट बनत हे ।
