CM Bhupesh Baghel ह आज मरवाही, कोटमी अउ केंवची म जनता ले करही भेंट-मुलाकात, पेण्ड्रा म आदिवासी समाज के सम्मेलन म होही सामिल
जय जोहार। सीएम भूपेश बघेल (CM Bhupesh Baghel) ह आज मरवाही विधानसभा क्षेत्र के ग्राम मरवाही, कोटमी अउ केंवची म जनता ले भेंट-मुलाकात करही अउ पेण्ड्रा म आयोजित आदिवासी समाज के सम्मेलन म सामिल होही । मुख्यमंत्री गौरेला म आने आने समाज अउ संगठन के पदाधिकारी मन ले घलो मिलही ।
जारी दउरा कार्यक्रम के अनुसार सीएम भूपेश बघेल (CM Bhupesh Baghel) ह आज बैकुंठपुर म पूर्वान्ह 10 बजे से 11.10 बजे तक अधिकारी मन के बइठक, मीडिया प्रतिनिधि ले चर्चा अउ विकास काम के भूमिपूजन अउ लोकार्पण करे के बाद मरवाही बर हेलीकॉप्टर ले प्रस्थान करही । मुख्यमंत्री ह 11.50 बजे ले 1.05 बजे तक मरवाही म जनता ले भेंट-मुलाकात करही।
एखर बाद सीएम भूपेश बघेल (CM Bhupesh Baghel) ह पेण्ड्रा विकासखण्ड के ग्राम कोटमी म मंझनिया 2.10 बजे ले 3.25 बजे तक अउ 4 बजे से 5.15 बजे तक गौरेला विकासखण्ड के ग्राम केंवची म जनता ले भेंट-मुलाकात करही अउ सासकीय योजना- कार्यक्रम के क्रियान्वयन के बारे म फीडबैक लेही । मुख्यमंत्री एखर बाद पेण्ड्रा के मल्टीपरपस स्कूल म आयोजित आदिवासी समाज के सम्मेलन म सामिल होही । मुख्यमंत्री ह संझा 7.30 बजे ले रात 9.30 बजे तक गौरेला म आने आने समाज अउ संगठन के प्रतिनिधि मन ले मुलाकात करही । मुख्यमंत्री ह गौरेला म ही रात्रि विश्राम करही ।
