बस्तर के पद्मा के घर लहुटिस अंजोर

साय सरकार के बिजली बिल समाधान योजना बनिस सहारा

रायपुर. छत्तीसगढ़ के दूर-दराज वनांचल इलाका में रहइया परिवार बर मुख्यमंत्री विष्णु देव साय के जन-कल्याणकारी नीति अब जमीन स्तर में बदलाव के पहिचान बनत जावत हें। ए कड़ी में ‘मुख्यमंत्री बिजली बिल भुगतान समाधान योजना 2026’ ओ गरीब परिवार बर एक बड़े सहारा बनके आगू आईस हे, जेमन भारी-भरकम बिजली बिल के कारण अंधियार में रहे बर मजबूर रहिन। बस्तर जिला के ग्राम बालेंगा के रहइया पद्मा कश्यप के कहानी ए योजना के सफलता अउ संवेदनशीलता के जीता-जागता उदाहरण आय।

पद्मा के जिनगी संघर्ष ले भरे रहीस हे। अपन दाई-ददा ला खोए के बाद ओहा घर में अकेल्ली रहि गे रहीस। कम साधन अउ कमाई के कोई पक्का जरिया नई होए के कारण ओकर घर के बिजली बिल धीरे-धीरे बढ़के 9,000 रूपिया तक पहुंच गे रहीस। एक अनाथ बेटी बर अतकी बड़े राशि पटाना लगभग असंभव रहीस, जेकर ले घर के बिजली कटे के डर अउ अंधियार के साया ओकर भविष्य में मंडराए लगिस। अइसन कठिन बखत में प्रदेश सरकार के ‘बिजली बिल भुगतान समाधान योजना’ ओकर बर कोनो वरदान ले कम साबित नई होईस।

ए योजना के तहत पद्मा ला ओकर बकाया बिल में 4,000 रूपिया के बड़े राहत दिए गिस, जेकर ले ओकर आर्थिक चिंता कतकोन हद तक कम हो गे। ए मदद ह न केवल ओकर घर ला फिर ले अंजोर करिस, बल्कि ओला सामाजिक सुरक्षा के अहसास घलो कराइस। अपन खुसी जतावत पद्मा कहिथे कि मुख्यमंत्री विष्णु देव साय के ए दयालु निर्णय ह ओकर जइसन कतकोन जरूरतमंद ला सहारा दीस हे। आज ओहा ए योजना के बदौलत अपन बकाया बिल पटाए के काबिल हो पाईस हे, जेकर बर ओहा मुख्यमंत्री श्री साय ला धन्यबाद देथे। ए योजना ह न केवल आर्थिक राहत देवत हे, बल्कि प्रदेश के आखिरी कोना में बइठे मनखे के मन में सरकार बर अटूट बिसवास घलो जगावत हे।