chhattisgarh : नगरीय प्रसासन मंत्री ह दीन हे मंदिर हसौद म करीबन छह करोड़ के विकास काम के सौगात
जय जोहार। (chhattisgarh) नगरीय प्रसासन मंत्री डॉ. शिवकुमार डहरिया ह रईपुर जिला के अंतर्गत नगर पंचायत मंदिर हसौद म करीबन छह करोड़ रुपिया के आने आने विकास काम के लोकार्पण अउ भूमिपूजन करीन । एमा दो करोड़ 55 लाख 43 हजार के विकास काम के लोकार्पण अउ तीन करोड़ 40 लाख पांच हजार रुपिया के निर्माण काम ले भूमिपूजन सामिल हे ।
(chhattisgarh) मंत्री डॉ. डहरिया ह मंदिर हसौद के आने आने चार ठीन स्थान म 56.53 लाख रुपिया के सीसी रोड निर्माण काम, वार्ड क्रमांक-2 म 40 लाख रुपिया के लागत ले हाट बाजार निर्माण, 51.80 लाख रुपिया के लागत ले दू ठीन एसएलआरएम सेंटर निर्माण, 40.45 लाख रुपिया के लागत ले मुक्तिधाम निर्माण काम , 17.68 लाख रुपिया के लागत ले चौक सौन्दर्यीकरण अउ 15.98 लाख रुपिया के लागत लेआर.सी.सी. नाली निर्माण काम के लोकार्पण करीन ।
अइसने 10.84 लाख रुपिया के कम्पोस्ट शेड, मंदिर हसौद म 10 लाख रुपिया के लागत ले दू ठीन हाईमास्ट, आने आने सासकीय भवन म एलईडी बोर्ड के काम अउ दूसर काम के लोकार्पण करीन । (chhattisgarh) मंत्री डॉ. डहरिया ह कारीकरम के दउरान खेल प्रतियोगिता म सानदार प्रदर्सन करइया खिलाड़ी मन ल प्रमाण पत्र अउ ट्राफी प्रदान करीन । ए अवसर म नगर पंचायत मंदिर हसौद के अध्यक्ष ओमप्रकाश यादव, जनपद पंचायत आरंग के अध्यक्ष खिलेश देवांगन, दिनेश ठाकुर, कोमल साहू सहित जनप्रतिनिधि अउ बड़का संख्या म नागरिक मौजूद रिहीन ।
