कवासी अउ जतिन संग अरविंद नेताम के गेट टूगेदर…का ये ह वापसी के संकेत हवय

जगदलपुर । कांग्रेस के गेट टूगेदर म बुधवार के एक नजारा ह राजनीतिक हलचल बढ़ा दे हे। गणपति रिसॉर्ट म आयोजित कार्यक्रम म पूर्व केंद्रीय मंत्री अउ कांग्रेस के पूर्व वरिष्ठ नेता अरविंद नेताम उप नेता प्रतिपक्ष कवासी लखमा अउ महापौर जतिन जायसवाल के संग बातचीत करत कैमरा म कैद होगे। नेताम ह कवासी अउ जायसवाल के संग लंच करिस। राज्य के कद्दावर आदिवासी नेता के कांग्रेसी नेता मन ले करीबी ल लेके कई तरह के कयास लगाए जात हे। चरचा हवय कि नेताम के कांग्रेस म वापसी हो सकत हे। भू-राजस्व संहिता म संशोधन वापसी के मुद्दा म जिस तरह सर्व आदिवासी समाज ल लीड करत हुए नेताम ह तेवर दिखाइस कि सरकार ल पीछे हटना पड़गे। एखर बाद ले आदिवासी समाज के भाजपा ले दूरी बनाए अउ कांग्रेस के नजदीक होए के चरचा हे। यानी नेताम के कांग्रेस म शामिल होए से ताकत बढ़ जाही। कांग्रेस नेता मन के बीच ए चरचा हे हवय। हालांकि कार्यकारी अध्यक्ष राजीव शर्मा ह एला महज गेट-टू-गेदर किहिस हे। वोह नेताम के कांग्रेसम शामिल होए के खबर ल कयास बताइस हे। एती बर राजधानी के एक वरिष्ठ नेता के कहिना हे कि नेताम पूर्व म कांग्रेस म रहि चुके हे। अउ वो ह घर वापसी कर सकत हे। ये ह दूनों बर अच्छा होही।