Raipur : विधानसभा अध्यक्ष अउ मुख्यमंत्री ह स्वास्थ्य सिविर के करीन उदघाटन

जय जोहार। (Raipur) विधानसभा अध्यक्ष डॉ. चरणदास महंत अउ मुख्यमंत्री भूपेश बघेल ह आज विधानसभा म 3 दिन के स्वास्थ्य सिविर के सुभारंभ करीन । ए अवसर म स्कूल शिक्षा मंत्री डॉ. प्रेमसाय सिंह टेकाम, उद्योग मंत्री कवासी लखमा, नेता प्रतिपक्ष नारायण चंदेल, संसदीय सचिव रश्मि आशीष सिंह अउ अधिकारी उपस्थित रिहीन ।

सिविर म डॉक्टर डहार ले विधानसभा अध्यक्ष डॉ. महंत, मुख्यमंत्री श्री बघेल, स्कूल शिक्षा मंत्री श्री टेकाम, उद्योग मंत्री श्री लखमा, नेता प्रतिपक्ष श्री चंदेलसमेत उपस्थित जनप्रतिनिधि के रक्तचाप अउ मधुमेह के जांच करे गीन । गौरतलब हे कि विधानसभा म 14 मार्च ले 16 मार्च तक तीन दिन के मुफत स्वास्थ्य शिविर के आयोजन करे गेहे । सिविर म मेडिसिन विशेषज्ञ, माइक्रोबायोलॉजी, स्त्री रोग विशेषज्ञ, रेडियोडायग्नोसिस, पैथोलॉजी अउ बायो कैमेस्ट्री के सुविधा उपलब्ध रही ।