जशपुर। जिला के कुनकुरी विकासखण्ड के 97 गांव म ब्लैक आउट के स्थिति बने हुए हे। बता दन कि बीते रतिहा तेज बारिस के बाद ले ही बिजली गुल हो गे रहिस। जेकर चलत बिजली सब स्टेसन के अधिकारी-कर्मचारी फॉल्ट सुधारे म जुटे हुए हे। उहें बिजली नइ रहे ले लोगन मन के दिनचर्या घलो प्रभावित होइस। येकर संग ही कई तरह के परेसानी के घलो सामना करे बर पड़िस। उहें कउनो भी अधिकारी मामला के बारा म बताए बर उपस्थित नइ रहिस।
