अंबिकापुर। संबाग म अपन झाड़ फूंक अऊ इलाज बर सुर्खी म रहइया गणेश यादव उर्फ कंबल बाबा ह हर बार के जइसन एक बेर फेर बिवादास्पद बयान दिस हे। कंबल बाबा ह मीडिया के आगु हिन्दु मन ले अपील करिस हे कि ओमन जनसंख्या बढ़ाए अऊ 7-8 लइका पैदा करय। ओहर कहिस कि ये देस म जे अल्पसंख्यक हे ओमन के संख्या बाढ़त हे, अऊ हिन्दु मन के संख्या कम होत हे। असल म अखिल भारत हिन्दू महासभा के आयोजन म कंबल बाबा अंबिकापुर आए रहिस। संगठन के नियुक्ति म आयोजन म आमंत्रित पत्रकार मन के सवाल के जवाब देत कंबल बाबा ह ये बयान दिस हे।
