अंतरिम बजट म किसान मन ल बड़े राहत दीस मोदी सरकार ह

नई दिल्ली/रायपुर । मोदी सरकार  ह अंतरिम बजट म किसान मन ल बड़े राहत दीस हे।  पीयूष गोयल ह बजट भाषन  कहिन के, किसान मन के खाता म सोझे 6000 रुपिया पहुंचाए के काम करे जाही।

2 हेक्टयर खेत रखइया किसान मन ल देय जाही पइसा।  ए योजना ले देस के 12 करोड़ किसान मन ल फायदा होही।  योजना के अनुमानित खर्च 75000 करोड़ बताए गेहे।  1 दिसंबर 2018 ले ए योजना लागू करे जाही।

पीयूष गोयल ह आज बजट भाषन के सुरुआत मोदी सरकार के उपलब्धी मन ल गिनात हुए करिन। उमन कहिन के,  मोदी सरकार के आए के बाद भारत लगातार प्रगति के राह म हे। आज दुनिया के सबल तेजी ले बढ़त अर्थबेवस्था हवय।  उमन कहिनके , महंगाई म काफी कमी आए हे।

पीयूष गोयल ह कहिन के  कहा, ”हमार सरकार ह महंगाई म लगाम लगाइस, हमन कमरतोड़ महंगाई के कमर तोड़ देन। ” उमन कहिन के, ”अगर हमन ए महंगाई ल काबू नइ करतेन त हर परिवार के खरचा 35 ले 40 फीसदी जादा होतिस।  पाछु  के सरकार मन के मुकाबला सबले कम महंगाई दर हे। ”