गृहमंत्री ल नइए बस्तर के मउजूदा हालात के जानकारी……काबर कहिस डॉ.रमन ह

रायपुर। पूर्व मुख्यमंत्री रमन सिंह सर्जिकल स्ट्राइक म बने फिल्म उरी देखे बर  राजधानी रायपुर के एक मल्टीप्लेक्स पहुंचिन।  ए दउरान उमन  एक बार फेर सरकार उपर बदलापुर के राजनीति के आरोप लगात हुए हमला बोलिस।

रमन सिंह ह कहिन के, ‘सरकार के पुराना ल बदनाम करे के बर साजिस  के तहत काम करे जात हे।’ मंतूराम पवार ले मुलाकात म पूर्व सीएम ह कहिन के,   उमन बीजेपी के कार्यकर्ता हवय, ओला परेसान करे जात हे।  मै मंतूराम ले कहेव के, अपन बात ल पूरा हिम्मत के संग रखव।’

‘गृहमंत्री ल नइए मउजूद हालात के जानकारी’

पूर्व मुख्यमंत्री ले जब ए सवाल करे गिस के , ‘नक्सली पर्चा फेंक के बस्तर म विकास अउ उहां ले जवान मन ल हटाए के मांग करत हे अउ गृहमंत्री घलो एमा  सहमति जतात हुए ए कहत हे के, हमू घलो इहीं चाहत हन। एखर  जवाब म रमन  हक हन के, ‘सायद गृहमंत्री ल बस्तर के मउजूदा हालात के बारे म जानकारी नइए।  आज फोर्स के तैनाती के वजह ले ही उहां विकास होवत हे अउ  लोगन उहां सांति ले रहत हे।’

‘जवान मन के वजह ले बस्तर म हे सांति’

पूर्व मुख्यमंत्री ह कहिन के , ‘बस्तर म विकास के जे  काम होए हे, चाहे वो  सड़क, स्कूल अउ पुल-पुलिया के निरमान हो, सब कुछु उहां तइनात जवान मन के वजह ले संभव हो पाय हे।  पूर्व सीएम ह कहिन के, पुल अउ सड़क बने के  दउरान अपन जान के बाजी लगाइस हे।

‘हथियार छोड़ के बातचीत करय नक्सली’

रमन सिंह ह कहिन के, अगर नक्सली सांति चाहत हे त  हथियार छोड़ के बातचीत करय। उमन कहिन के, अगर नक्सली मन के मांग हे के जवान मन ल हटाके उमन ल खुला तउर म बस्तर दे देबो त उंखर ए मांग ले कोनो के भला नइ होवइया हे।