जय जोहार। ( Raipur ) राज्य सरकार डहर ले मुख्यमंत्री कन्या विवाह योजना के तहत सहायता रासि 25 हजार रुपिया ले बढ़ाके 50 हजार रुपिया कर दे गेहे । ए बछर 2023-24 बर प्रस्तुत बजट म ए योजना बर 38 करोड़ रुपिया के प्रावधान रखे गेहे। एखर ले कई परिवार के अपन बेटी के धूम-धाम ले विवाह के सपना पूरा हो सकही ।
मुख्यमंत्री भूपेश बघेल के नेतृत्व म राज्य सरकार ह योजना के तहत रासि म दू घांव वृद्धि करे हे। सीएम श्री बघेल ह मुख्यमंत्री के रूप म पदभार ग्रहण करे के बाद प्रस्तुत पहले बजट म ही बेटी के विवाह ल प्राथमिकता देत हुए बछर 2019 म विवाह अंतर्गत दे जवइया अनुदान रासि ल 15 हजार रुपिया ले बढ़ाके 25 हजार रुपिया कर दे रिहीस । अब ये रासि ल बढ़ाके 50 हजार रुपिया कर दे गेहे । बछर 2019 के तुलना म निर्धारित बजट रासि घलो 19 करोड़ रुपिया ले बढ़ाके 38 करोड़ रुपिया कर दे गेहे । एखर ले कई परिवार म बेटी के विवाह ल लेके चिंता दूर होए हे ।
ए योजना के अन्तर्गत गरीबी रेखा ले नीचे जीवन-यापन करइया परिवार अउ मुख्यमंत्री खाद्यान्न योजना अंतर्गत कार्डधारी परिवार के 18 बछर ले ऊपर उमर के जादा तम दो कन्या ल आर्थिक सहायता दे जात हे । एमा वर-वधु के श्रृंगार सामग्री अउ अन्य दैनिक उपयोग के सामान उपहार स्वरूप प्रदान करे संग बैंक ड्रॉफ्ट के माध्यम ले रुपिया घलो दे जात हे ।
सामूहिक विवाह आयोजन व्यवस्था बर घलो कुछु रासि व्यय करे जात हे । योजनांतर्गत विधवा, अनाथ, निराश्रित कन्या ल घलो सामिल करे जात हे । ए योजना के लाभ ले बर जिला महिला अउ बाल विकास अधिकारी/जिला कार्यक्रम अधिकारी कार्यालय म संपर्क करे जा सकत हे ।
Other Articles
CM Bhupesh Baghel ह खद्दी परब कार्यक्रम म होइन सामिल
No Comment! Be the first one.