आज सरगुजा प्रवास म मुख्यमंत्री भूपेश बघेल, चिकित्सा महाविद्यालय के करहीं लोकार्पन

मुख्यमंत्री भूपेश बघेल आज सरगुजा जिला के प्रवास म रही अऊ उहां आयोजित विभिन्न कार्यक्रम मन म संघरहीं। निर्धारित कार्यक्रम म मुख्यमंत्री स्वामी विवेकानंद एयरपोर्ट रायपुर ले विमान ले 11.30 बजे प्रस्थान करहीं अऊ दोपहर 12.10 बजे माँ महामाया एयरपोर्ट दरिमा पहुंचहीं।

मुख्यमंत्री बघेल जिला मुख्यालय अम्बिकापुर म दोपहर 12.30 बजे राजमाता देवेन्द्र कुमारी सिंहदेव शासकीय चिकित्सा महाविद्यालय भवन का लोकार्पन करहीं। मुख्यमंत्री कलेक्टरेट परिसर म छत्तीसगढ़ महतारी के मूर्ति के अनावरन घलों करहीं। अऊ गांधी स्टेडियम ग्राउण्ड म विकास के बुता मन के लोकार्पन अऊ शिलान्यास घलो करहीं। मुख्यमंत्री संझा 4.35 बजे माँ महामाया एयरपोर्ट दरिमा, सरगुजा ले प्रस्थान करके संझा 5.15 बजे स्वामी विवेकानंद एयरपोर्ट रायपुर पहुंचही।