धान खरीदी के राशि ल लेके ट्विटर म छिड़ गे राजनीतिक झगरा.. सीए बघेल कहिन पीएम मोदी ल करे गे हे गुमराह
प्रधानमंत्री नरेंद्र मोदी (Narendra Modi) शुक्रवार के दिन छत्तीसगढ़ के दौरा म आए रिहिन। जिहां ओमन कई विकास कार्य मन के सौगात दिन अऊ लोगन मन ल संबोधित करिन उहें पीएम मोदी के जाए के बाद छत्तीसगढ़ म राजनीतिक कुस्ती शुरू हो गे अऊ आरोप-प्रत्यारोप के दौर घलो शुरू हो गे। वइसे रायपुर म जईसे पीएम मोदी के ह पहुंचिस वईसने इहां के हलचल तेज हो गे अऊ उंखर जाते ही यहां सियासी जंग शुरू हो गे। ए जंग ह फिलहाल सोशल मीडिया म देखे बर मिलत हे। जिहां छत्तीसगढ़ के सीएम भूपेश बघेल (Bhupesh Baghel) ह मोदी के जाए के बाद ट्विटर म पोस्ट करिन कि प्रधानमंत्री जी आप मन लबारी मारे हो। त एखर जवाब म भाजपा नेता बृजमोहन अग्रवाल ह पलटवार करत सवाल खड़े करिन।
धान खरीदी ल लेके सीएम बघेल के पीएम मोदी बर ट्वीटर तंज
सीएम भूपेश बघेल ह पीएम मोदी के जाए के कुछ बेरा बाद एक ट्विट करिन जेमा ओमन लिखे हे कि आप मन आए हो त फेर लबारी के हवा बहे ल लगगे मोदी जी। प्रदेश भाजपा के नेता मन लगातार किसान मन ल गुमराह करत हे कि धान खरीदी के पईसा केन्द्र ले आथे। आम मन त प्रधानमंत्री हो आप मन ल त सच के पता हे फेर आपो लबारी मार देव। ए ह किसान मन के नांव म सबले बड़का झूठ आए कि केंद्र राज्य के धान उपार्जन के 80 प्रतिशत के राशि ल देथे। अगर आपके सरकार के भूमिका राज्य मन म धान खरीदी म अतना हे त आपके लोकसभा क्षेत्र वाराणसी म किसान 1000-1200 रुपिया क्विंटल म धान बेचे बर काबर मजबूर हे मोदी जी..?
भाजपा नेता मन ह दिन गलत जानकारी: सीएम बघेल
अतेक नहीं सीएम ह तंज कसत लिखे हे कि आप मन ल छत्तीसगढ़ के भाजपा नेता मन गलत जानकारी दें हें अऊ आप भाषण पढ़के चल देव। छत्तीसगढ़ के लईका लईका जानथे कि हमन गंगाजल के कसम दस दिन के अंदर किसान मन के कर्जमाफी बर खाए रेहेन अऊ दू घंटा के अंदर किसान मन के कर्ज ला माफ कर देंन। फेर भाजपा के सुई ह अटक गे हे। भाजपा के ‘2100 रूपए क्विंटल’ अऊ ‘बोनस’ के कभू पूरा नई होईस वादा। किसान मन ल ए ठीक ढंग ले याद हे। ओमन जानथे कि कांग्रेस के सरकार ह उंखर मन बर का नई करत हे। अब छत्तीसगढ़ के किसान मन ल कोनों गुमराह नई कर सके। आपो घलो नहीं।
बीजेपी नेता बृजमोहन अग्रवाल ह करिन पलटवार
सीएम बघेल के ट्वीट के बाद ट्वीटर म जंग छिड़ गे। ए ट्वीट के जबाव देवत बीजेपी नेता बृजमोहन अग्रवाल ह कहिन कि भूपेश जी, आप एती-वोती के गोठ ल छोड़ देवव, बस अतेक बतावव कि आपके सरकार धान खरीदी के जेन राशि देवत हे ओमा राज्य अऊ केंद्र के कतना-कतना हिस्सा होथे?
