जय जोहार…. छत्तीसगढ़ म मुख्यमंत्री सुपोसण अभियान अऊ अलग-अलग योजना के एकीकृत प्लान ले लईका मन म कुपोसण ल दूर करे म बड़का सफलता मिले हे। वर्ष 2019 म करे गे वजन त्योहार ले प्राप्त आकड़ा के अनुसार प्रदेश म 9 लाख 70 हजार लईका कुपोसित रहिस। एमा ले मार्च 2020 तक 67 हजार 889 लईका मन ह कुपोसण ले मुक्त हो गे हे। अइसने कुपोसित लईका मन के संख्या म लगभग 13.79 प्रतिशत के कमी आय हे, जेन कुपोसण के खिलाफ सुरू करे गे जंग म एक बड़का उपलब्धि हे।
प्रदेश म नवा सरकार ल गठन करे के बाद मुख्यमंत्री भूपेश बघेल ह राष्ट्रीय परिवार स्वास्थ्य सर्वेक्षण-4 के आकड़ो म महिला अऊ बच्चा मन म कुपोसण अऊ एनीमिया के दर ल देखत हुए प्रदेश ल कुपोसण अऊ एनीमिया ले मुक्त करे बर अभियान के शुरूआत करिन। राष्ट्रीय परिवार सर्वेक्षण-4 के अनुसार प्रदेश के पांच वर्ष ले कम उम्र के 37.7 प्रतिशत लईका ह कुपोसण अऊ 15 ले 49 वर्ष के 47 प्रतिशत महिला मन ह एनीमिया ले पीड़ित रहिस। कुपोसण मुक्त छत्तीसगढ़ के संकल्पना के संग महात्मा गांधी के 150वीं जयंती 2 अक्टूबर 2019 ले पूरा प्रदेश म मुख्यमंत्री सुपोसण अभियान के शुरूआत होय रहिस।
No Comment! Be the first one.