बलौदाबाजार जिला म होही संविदा शिक्षक मन के भर्ती, 13 जुलाई तक कर सकथे आवेदन

जय जोहार…. छत्तीसगढ़ सरकार ह प्रदेश म 40 स्कूल ल अंग्रेजी माध्यम स्कूल बनाये हे। जेमा पहली ले बारहवीं तक के लईका मन ल मुफ्त शिक्षा के लाभ मिलही। इहीं क्रम म बलौदाबाजार जिला के मनोहरदास वैष्णव शासकीय उच्चतर माध्यमिक विद्यालय म संविदा ले स्टॉप के भर्ती करे जाही। एखर बर जिला शिक्षा अधिकारी ह आवदन मंगाये हे।
ए स्कूल म व्याख्याता प्रधानपाठक, सहायक शिक्षक, कम्प्यूटर शिक्षक, व्यायाम शिक्षक, प्रयोगशाला शिक्षक, ग्रंथपाल, सहायक ग्रेड-2, सहायक ग्रेड 3 के पद म नियुक्ति होही। आवेदन पत्र ल केवल स्पीड पोस्ट अउ पंजीकृत डाक ले 13 जुलाई के शाम पांच बजे तक स्वीकार करे जाही।