चालीस बछर के राजेश खुदे मांगत हे अपन मउत राष्ट्रपति ले करे हे गुहार

कोई इंसान 40 साल के उमर म जिनगी जिए के बजाय अपन इच्छा ले मउत मांगत हे, अईसे का होगे कि वो ह जीना नई चाहत हे। हमन पाछु जाथन , 14 साल पहली जब राजेश पवार अपन रोज के जईसे काम धाम म गे रिहीस अउ ओखर एक्सीडेंट हो गे, ये एक्सीडेंट म ओला अईसे अंदरूनी चोट लगीस कि ओखर शरीर के अंग मन काम करना बंद कर दीस, घर वाला मन ओखर इलाज करवाईन लेकिन शारीरिक अंग मन काम करना शुरू नई करिस , इलाज म थोड़ा थोड़ा फरक 14 साल म दिखीस लेकिन वहु कोई काम के नई,

अतना दिन तक राजेश पवार के मां अउ बहीनि मन के संग संग जान पहचान अउ रिश्तेदार मन ओखर मदद करीन लेकिन राजेश अब शायद जान गे हे कि कतना दिन तक ओमन ओखर मदद करहि, एखरे सेति राजेश अपन मउत मांगत हे वो ह जानथे कि ये कार्य बर काखर कर गुहार लगाना हे तभे तो एक्के चिट्ठी भारत के राष्ट्रपति ल लिखे हे।  बहरहाल राजेश पवार के उमर अभी ज्यादा नई होए हे, ओखर मदद कोई भी स्वयंसेवी या समाज सेवी संस्था कर सकथे , राज्य शासन ह ओखर बेहतर इलाज बर यूनिवर्सल हेल्थ स्कीम ल एक अच्छा विकल्प के रूप में बताए हे, राजेश पवार ये योजना ले ठीक हो सकथे।