इंदिरा गांधी ह देखीस तब जाके रिलीज होय रिहीस “कहि देबे संदेश”

छत्तीसगढ़ के पहली छत्तीसगढ़ी फीचर फिल्म कहि देबे संदेश संग बड़ अकन कहानी जुड़े हावे जेला हमर संग साझा करिस फिल्म के निर्माता, निर्देशक मनु नायक जी ह। मनु नायक जय जोहार डॉट कॉम म जोहार पहुना बनीस उंखर ले गोठ बात करीस चम्पेश्वर गोस्वामी ह। बातचीत म नायक जी ह कहि देबे संदेश के निर्माण अउ ओखर प्रदर्शन के समय होने वाला विरोध के बारे में बताइस । नायक जी ह किहीस कि बात 1965 के आए जब शिक्षा के स्वरूप अतना वृहद नई रिहिस चूंकि ये फिलिम ह जातिगत मुद्दा आधारित प्रेम कहानी रिहिस जेला एक वर्ग विशेष ह प्रदर्शन ले रोके बर दिल्ली तक पहुंच गे रहीस ।

ये फिलिम के एक विशेष शो रखे गिस जेमा स्वयं तत्कालीन प्रधानमंत्री इंदिरा गांधी पहुंचे रिहिस। इंदिरा जी ह फिलिम ल नेशन एंट्रीगेशन करार दिस , जेखर बाद फिलिम के प्रदर्शन बर हरा झंडी मिल गे। येति रायपुर म फिलिम के पोस्टर उतार दे गे रिहिस, लेकिन तमाम विरोध के बावजूद रायपुर म रिलीज हो गे कही देबे संदेश ।कही देबे संदेश ले जुड़े कई रोचक गोठ बात मन अउ हावे जेला बतावत हे छत्तीसगढ़ी फिल्म इंडस्ट्री के नींव रखईय्या मनु नायक ह त देखत रहाव जय जोहार डॉट कॉम।