मंत्री नेताम ह पीएम आवास योजना के तहत् महेन्द्र कोरवा ल सौंपिस चाबी
रायपुर। आदिम जाति विकास मंत्री रामविचार नेताम जिला बलरामपुर-रामानुजगंज प्रवास के दौरान बलरामपुर नगरीय निकाय के अंतर्गत चांदो चौक स्थित हनुमान मंदिर परिसर म आयोजित भूमिपूजन कार्यक्रम म शामिल होइस। ए मौका म ओमन ह प्रधानमंत्री आवास शहरी योजना अंतर्गत पहाड़ी कोरवा महेन्द्र कोरवा ल पक्का आवास के चाबी सौंपिन। मंत्री नेताम के हाथ ले आवास के चाबी पाके हितग्राही महेन्द्र कोरवा बढ़ खुश होइन। ओमन ह एखर बर राज्य सरकार अउ मंत्री रामविचार नेताम के आभार जताइन।
पक्का आवास मिले म महेन्द्र कोरवा ह कहिन कि ओ खेती-मजदूरी कर अपन परिवार के पालन-पोषण करत हे। ओखर बर पक्का घर बनाना मुश्किल रिहीस, लेकिन प्रधानमंत्री आवास योजना ह उखर मन सपना साकार कर दिस हे। अब ओखर लइका घलो पक्का घर म रही अउ कोनो म मौसम म परेशानी के सामना नई करना पड़त। बता दन कि हरेक गरीब ल पक्का आवास मिलत हे, ए उद्देश्य ले प्रधानमंत्री आवास योजना चलाए जात हे। ए योजना ले गरीब मन के पक्के आवास के सपना साकार होवत हे। उहें बेहतर जीवन-यापन म घलो मदद मिलत हे।
