एक माउंटेंट मेन छत्तीसगढ़ म घलो हे, जेन ह 27 साल ले धरती के सीना चीरके गंगा बहाए के कोशिश म लगे हे
कोरिया ले सोनू केदार के रिपोर्ट
जय जोहार. कोरिया जिला के चिरमिरी म एक झन अईसे भागीरथी हे जेन ह धरती के सीना ल चीरके अपन गांव मं पानी बहाए के रद्दा देखत हे, अऊ संगे संग ऐखर बर 27 ले मेहनत करते हे। हम बात करत हन श्यामलाल रजवाड़े के, जेन ह अपन जिद ल अब अपन लक्ष्य बना डरे हे। झारखंड के माउंटेंट मेन मांझी के कहानी अऊ ओखर उपर बने फिलिम ल आप मन जरूर देखे होहू लेकिन आज आप मन ले छत्तीसगढ़ के एक अईसे मनखे के कहानी ल बतावत हन जे जिद करके दुनिया ल बदले के कोशिश वाले बात ल चरितार्थ करत हे। भले ही आज के बखत म कोनों के पास समय नई हे लेकिन अईसे बिरले मनखे मन ल जानना बेहद जरूरी हाबे जेन ह अपन इरादा के पक्का हे। ऐला अब सनक कहिबो या फेर ऐ इंसान के जिद कि 42 बरस के श्यामलाल ह पिछले 27 साल पहिली से तरिया खोदत हे। वहू म अकेल्ला। जब ऐ ह ऐ काम ल शुरू करिन त ऐखर उमर रिहिस मात्र 15 बछर के।
