रायपुर। बस्तर अंचल म स्वास्थ्य सुविधा ल बेहतर बनाए बर मुख्यमंत्री विष्णु देव साय के मंशानुरूप जगदलपुर म सुपर स्पेशियलिटी अस्पताल के निर्माण करे जात हे। जगदलपुर मेडिकल कॉलेज के सामने तैयार होवत ए सुपर स्पेशियलिटी अस्प्ताल ले बस्तर अंचल के लोगन ल अत्याधुनिक इलाज के सुविधा मिलहि। स्वास्थ्य मंत्री श्याम बिहारी जायसवाल ह आज जगदलपुर के मेडिकल कॉलेज, महारानी जिला चिकित्सालय अउ निर्माणाधीन सुपर स्पेशियलिटी अस्पताल के निरीक्षण करिन अउ अधिकारी मन ल निर्माणाधीन अस्पताल ल पूर्ण करे के अउ ए अस्पताल ल जल्द शुरू करे बर सिटी स्कैन, एमआरआई अन्य चिकित्सा उपकरण के शीघ्र व्यवस्था करे के निर्देश दिन।
स्वास्थ्य मंत्री श्याम बिहारी जायसवाल ह सुपर स्पेशियलिटी हॉस्पिटल के चिकित्सक अउ अन्य पैरामेडिकल स्टॉफ के आवासीय व्यवस्थ उपलब्ध करे अधिकारी मन ल निर्देश दिस। ओमन ह स्व. बलीराम कश्यप मेडिकल कॉलेज हॉस्पिटल के शिशु वार्ड के विस्तार करे सहित सीसीटीवी के समुचित परिचालन बर ऑपरेटर नियुक्त करे जाए के घलो निर्देश दिस। ओमन जगदलपुर म नवजात शिशु मन के गहन चिकित्सा इकाई, शिशु वार्ड अउ सर्जिकल वार्ड के घलो जायजा लिन। ओमन अस्पताल म आए मरीज अउ उखर परिजन मन ले अस्पताल के सुविधा के बारे म जानकारी लिन।
स्वास्थ्य मंत्री जायसवाल ह महारानी जिला चिकित्सालय अउ मातृ अउ शिशु स्वास्थ्य अस्पताल के ओपीडी, आईपीडी अउ आईसीयू के निरीक्षण करके विभिन्न वार्ड म भर्ती मरीज मन ले रूबरू होइस। ओमन ह मरीज अउ उखर परिजन ले निःशुल्क दवा योजना के संग अस्पताल के सुविधा के जानकारी लिन। जायसवाल ह अस्पताल म साफ-सफाई, पर्ची काउंटर, हेल्पडेस्क काउंटर, मातृ शिशु केन्द्र, लेबर रूम, सिटी स्कैन सेन्टर सहित विभिन्न वार्ड के निरीक्षण करिन। जायजा लिन अउ अस्पताल के दवा स्टोर म दवाई के उपलब्धता के जानकारी लिन। ए दौरान विधायक चित्रकोट विनायक गोयल सहित अनेक जनप्रतिनिधि अउ वरिष्ठ प्रशासनिक अधिकारी अउ अन्य चिकित्सक अउ अधिकारी मौजूद रहिन।
