सात समंदर पार माहकत हे छत्तीसगढ़ के मऊहा के खूसबू.. फूड ग्रेड के संग्रहण ले खुलत हे तरक्की के दुआर
राज्य म फूड ग्रेड मऊहा फूल के संग्रहण म मनेन्द्रगढ़ वनमंडल हे अगवा
छत्तीसगढ़ म संग्रहित फूड ग्रेड महुआ फूल ल राज्य लघु वनोंपज संघ कोती ले विदेस म भेजे के महत्वपूर्ण योजना हे। एखर माध्यम ले मऊहा फूल ले अतिरिक्त लाभ मिलता है। बता देन कि राज्य म बछर 2023-24 म संग्रहित 694.94 क्विंटल फूड ग्रेड मऊहा के फूल में ले 503.65 क्विंटल फूड ग्रेड मऊहा फूल के संग्रहण सिरिफ मनेन्द्रगढ़ वनमंडल कोती ले करे गे हे। अईसनहा वनमंडल मनेन्द्रगढ़ फूड ग्रेड महुआ फूल संग्रहण के बुता म छत्तीसगढ़ म ए बछर अगवा हे अऊ ओ ह पहिली रैंक म हे।
छत्तीसगढ़ म महुआ फूल के अपन अलग गुणवत्ता हे अऊ राज्य सरकार कोती ले दे जावत नवा-नवा तकनीक के सुविधा ले एखर महक ह अब देस-बिदेस म फैलत हे। मुख्यमंत्री भूपेश बघेल के मंसा के अनुरूप वन अऊ जलवायु परिवर्तन मंत्री मोहम्मद अकबर के मार्गदर्शन म राज्य म वनवासी मन ल लघु वनोंपज के संग्रहण ले लेके ओखर प्रसंस्करण जईसे बुता बर संग्राहक मन ल जादा ले जादा लाभ दिलाए के सरलगहा उदिम करे जात हे। इही कड़ी म फूड ग्रेड मऊहा फूल के संग्रहण बड़ लाभकारी होवत हे।
वनमंडलाधिकारी मनेन्द्रगढ़ ले मिले जानकारी अनुसार जिला यूनियन मनेन्द्रगढ़ के प्राथमिक वनोपज सहकारी समिति भौंता, बेलबहरा, घुटरा, कछौड़, केल्हारी, बेलगांव, जुनंवा एवं माड़ीसरई अंतर्गत फूड ग्रेड महुआ फूल (कच्चा महुआ) के नेट के माध्यम से संग्रहण कराए गिस। संग्राहक मन ले 10.00 रुपिया प्रति किलो के दर ले 503.65 क्विंटल कच्चा मऊहा फूल बटोरे गिस। बटोरे के बाद मऊहा फूल ल सोलर ड्रायर के माध्यम ले सुखाए गिस। मऊहा फूल के संग्रहण पारिश्रमिक के रूप म संग्राहक मन ल 5 लाख 3 हजार 650 रुपिया के भुगतान करे गिस।
सोलर ड्रायर म सुखाके प्रसंस्करण के बाद कुल 99.60 क्विंटल (ए ग्रेड- 78.30 क्विंटल अऊ बी ग्रेड-21.30 क्विंटल) फूल ग्रेड मऊहा फूल मिले हे। ए कच्चा मऊहा फूल के प्रसंस्करण के बुता वन धन विकास केन्द्र जनकपुर अऊ कठौतिया अंतर्गत स्व-सहायता समूह के 20-20 महिला सदस्य मन कोती ले संपन्न करे हे हे। समूह के माई लोगन मन माह अप्रैल ले मई 2023 के बेरा म 60 दिन म ए रोजगार दे दे गे रिहिस। ओमन ल प्रतिदिन 200 रुपिया के दर ले मेहनताना के भुगतान करे गे हे। प्रसंस्करण के बाद मिले मऊहा फूल ए अऊ बी ग्रेड के बोरा भर्ती के बाद एक्वाफुड अऊ फोल्ड स्टोरेज, बिलासपुर बायपास, रिंग रोड नंबर 03 विधानसभा रोड गिरौद रायपुर म सुरक्षित भंडारण कराए गे हे।
फूड ग्रेड मऊहा फूल ल सुखाए ले 5 किलो मऊहा फूल से 1 किलो सुख्खा फूल मिलथे। अईसन सुख्खा मऊहा फूल के खरीदी दर 50 रुपिया प्रति किलो मिले हे, जबकि बाजार म सुख्खा मऊहा फूल के खरीदी दर 30 ले 35 रुपिया प्रति किलो रिहिस। अईसन फूड ग्रेड मऊहा फूल संग्रहण ले हितग्राही मन ल अतिरिक्त लाभ मिले हे। संगे-संग मऊहा के पेड़ के नीचे नेट बांधके संग्रहण करे म तेज गर्मी के मौसम म एक-एक महुआ फूल एकत्र करे के मेहनत ले घलो संग्राहक मन बांच गे। एखर ले फूल के संग्रहण आसान हो गे। फूल बेचे बर बाजार ले जाने के जरूरत घलो नई पड़िस। वित्तीय बछर 2023-24 म 123 मऊहा हितग्राही मन कोती ले 213 मऊहा पेड़ के नीचे नेट बांधके एकत्र करे गे हे।
