जेठू साहू के सॉरी लव यू जान म किन्नर मन ल मिले हे महत्व

दीपक बावनकर@रायपुर जाने माने निर्माता अऊ नवोदित निर्देशक मन ल फिल्म बनाय बर आर्थिक मदद करैय्या जेठू साहू के अगला फिलिम सॉरी लव यू जान ह जल्द प्रदर्शित होवैय्या हे , एखर निर्देशक सलीम खान हावे , सलीम के काम पहिली ले अच्छा हावे तेला देख के जेठू साहू ह ओला फिलिम बर सहयोग करिस , फिलिम भी काफी अच्छा बनाये हे सलीम ह.

ओखर गाना यू ट्यूब म बहुत पसंद करे जात हे ,सलीम ह बताइस कि एमा ओ ह किन्नर के अलग रोल बनाय हे जेमा रजनीश झांझी ह किन्नर बने हे अऊ रजनीश ह अपन रोल म बने न्याय करे हे , ये फिलिम म सुपर स्टार अनुज शर्मा अऊ एल्षा घोष के सुन्दर जोड़ी हे , डायलाग सलाम इरानी लिखे हे अऊ संगीत अमित प्रधान के हे .