रायपुर रेलवे स्टेसन म मिलिस तीनों लइका

रायपुर । सहर ले तीन लइका के लापता होय के मामला आघू आय रहिस हे, पुलिस ल ए मामला म सफलता मिले हे।  पुलिस ह लापता तीनों लइका ल खोज निकालिस हे।

मंगलवार संझा ले लापता होए तीनों लइका रायपुर रेलवे स्टेसन म मिलिन।  फिलहाल लइका  मन ल खमतराई थाना म रखे गे हे।  लइका मन के नाम नैतिक सिंह, गौरव सिंह अउ अमनदीप हे। गौरव अउ नैतिक सगे भाई बताय जात हे। पुलिस लइका मन ले  पूछताछ करही। एखर बाद उंखर लापता होय के कारन के पता चल पाही।