छत्तीसगढ़ पुलिस विभाग म 67 निरीक्षक अऊ 17 उपनिरीक्षक मन के स्थानांतरण
छत्तीसगढ़ पुलिस विभाग म स्थानांतरण के दौर सरलगहा चलत हे। पाछू के कुछ दिन ले कुछ जिले के पुलिस कप्तान के संगे-संग आईपीएस अधिकारी मन के तबादला के बाद अब सोमवार के पुलिस मुख्यालय नवा रायपुर ले बड़े पैमाना म निरीक्षक अऊ उप निरीक्षक मन के तबादला आदेश जारी होए हे।
पुलिस स्थापना बोर्ड के फैसले के मुताबिक ए ट्रांसफर ल करे गे हे। जेमा 67 निरीक्षक अऊ 17 उप निरीक्षक मन के स्थानांतरण करे गे हे। ए स्थानांतरण ल भारत निर्वाचन आयोग कोती ले भेजे गे ओ पत्र ले जोड़के देखे जात हे जेमा तीन साल से ज्यादा बेरा म एक जगह जमे अफसर मन के तबादला के बात कहे गे हे। हालांकि ए पत्र के बाद ए ह तबादला के पहिली सूची हे। संभावना हे कि एखर बाद जल्द पुलिस अऊ प्रशासनिक विभाग म अऊ तबादला नवा पदस्थापना के आदेश जारी हो सकत हे।
जारी तबादला आदेश म रक्षित निरीक्षक मधुसूदन सिंह नाग बालोद ले जिला बस्तर, निरीक्षक सचिन सिंह मनेंद्रगढ़-चिरमिरी-भरतपुर ले बीजापुर, सुरेंद्र राठौर बीजापुर ले कांकेर, कपिलदेव पांडेय बीजापुर ले नारायणपुर, सुनील दास बीजापुर ले सुकमा, ललित कुमार यादव बीजापुर ले कोंडागांव, जितेंद्र जायसवाल बीजापुर ले बलरामपुर-रामानुजगंज, विकास विलियम शुक्ला बीजापुर ले विशेष शाखा पुलिस मुख्यालय, अमित तिवारी बलोद ले रायगढ़, नरेंद्र यादव बस्तर ले शक्ति, जेपी गुप्ता बस्तर ले बिलासपुर,रंजीत प्रताप सिंह बेमेतरा ले सुकमा, नसीरूद्दीन खान बेमेतरा ले सुकमा, रजनीश कुमार सिंह बलरामपुर-रामानुजगंज ले सरगुजा, रोशन सिंह बलौदाबाजार-भाटापारा ले सुकमा, ओमप्रकाश त्रिपाठी बलौदाबाजार-भाटापारा ले नारायणपुर, हितेश जंघेल बलौदाबाजार-भाटापारा ले सुकमा,सुरेश कुमार चौहान बलौदाबाजार-भाटापारा ले बिलासपुर, नरेश पटेल राजनांदगांव ले दुर्ग समेत अन्य निरीक्षक शामिल हे।
