सीएम बघेल के संवेदनशीलता: छुट्‌टी के दिन म भी गुरुजी मन के खाता म जमा होईस पईसा.. का हे पढ़व पूरा मामला

रायपुर. मुख्यमंत्री भूपेश बघेल ह शिक्षक मन के लंबित वेतन के प्रकरण म गंभीरता दिखात ओखर परीक्षण अऊ कर ओखर निराकरण के निरदेश दे रिहिन। मामला म तुरंत कार्रवाई करत बिलासपुर जिला के नगर पंचायत कोटा अऊ तिफरा के संगे-संग महासमुंद जिला के नगर पंचायत बसना म आज सरकारी छुट्‌टी के दिन घलो गुरुजी मन के खाता म पईसा डाल दे गिस। बता देन के 3 महीना ले ऐ गुरुजी मन के वेतन नई मिले रिहिस। उहें रायगढ़ के जनपद पंचायत घरघोड़ा के गुरूजी मन ल घलो वेतन जल्दी दे के निरदेश दे गे हे।

गुरुजी मन ह अपन व्यथा ट्वीटर के माध्यल ले मुख्यमंत्री ल दे रिहिन। ऐखर बाद मुख्यमंत्री ह तत्काल संज्ञान लेत संबंधित अधिकारी मन ल वेतन दे के निरदेश दे रिहिन।

बता देन कि मुख्यमंत्री भूपेश बघेल ह गुरुजी मन के वेतन संबंधी समस्या के जल्द निराकरण के निर्देश दे रिहिन। ऐ निर्देश के ए प्रभाव पड़िस कि छुट्‌टी के दिन म घलो शिक्षक मन के खाता म पईसा जमा हो गे।

नगरपालिका परिषद तिफरा म 7 लाख 95 हजार, बसना नगर पंचायत म 30 लाख 31 हजार पांच सौ छह रूपये, कोटा नगर पंचायत म 24 लाख उन्नीस हजार पांच सौ छह रूपए बैंक खाता म जमा कराए गिस। एखर संगे-संग नगर पालिका परिषद तखतपुर अंतर्गत कार्यरत शिक्षक मन ल पीछू के चार महीना के वेतन के भुगतान नई होए के मामला म संज्ञान लेत तखतपुर नगर पालिका के मुख्य नगर पालिका अधिकारी ले जवाब-तलब करे गे हे। नगरीय निकाय के गुरूजी मन के वेतन भुगतान म देरी होए ले नगरीय प्रशासन विभाग के संयुक्त संचालक बी.पी.काशी, अनुदान शाखा के कार्यपालन अभियंता श्याम पटेल अऊ ईश्वर ताम्रकार ल नोटिस घलो जारी करे गे हे।