सांवलाराम अउ मोहन सबले बढ़िया विधायक

रायपुर। छत्तीसगढ़ के विधानसभा के बजट सत्र मंगलवार के समाप्त होगे। बजट सत्र के समापन के संग सबले बढ़िया विधायक मन के नाम के घोषणा भी करे गिस। दुर्ग जिला के अहिवारा ले विधायक सांवलाराम डाहरे अउ बस्तर संभाग के कोण्डागांव ले कांग्रेस विधायक मोहन मरकाम ल सबले बढ़िया विधायक बताए गिस।
विधान सभा के बजट सत्र के अंतिम दिन सदन म समान्य वातावरण रिहिस हे। सत्र के समापन म विधायक मन ने एक- दूसर ल रंग लगा के होली के जोहार करिस। एती बर रायपुर संभाग ले कांग्रेस विधायक सत्यनारायण शर्मा ल चतुर्थ विधानसभा के सबले जागरूक विधायक घोषित करे गिस।