0 वेदांता अस्पताल ल एमओयू के शरत मन ल पालन नइ करे म 20 करोड़ के पेनाल्टी
रायपुर। मुख्यमंत्री डा. रमन सिंह के अध्यक्षता म आज दोपहर 1 बजे सीएम हाउस म आयोजित मंत्रिपरिषद के बैठक म अनेक महत्वपूर्ण निरणय ले गिस। जेमा छत्तीसगढ़ राज्य लाजिस्टिक्स पार्क नीति 2018 ल अनुमोदन करे गेहे। एखर अलावा नवा रायपुर स्थित वेदांता अस्पताल के ओर ले एमओयू के शरत मन पालन नइ करे के कारण 20 करोड़ रुपिया के पेनाल्टी लगाए गिस। बतादन कि बालको ल नया रायपुर म कैंसर अस्पताल बनाए बर वेदांता मेडिकल रिसर्च फाउंडेशन के नाम ले 15 एकड़ जमीन एक रुपए वार्षिक लीज म दे गे रिहिस हे। लेकिन 7 साल बीते के बाद कंपनी ह अस्पताल के निरमान नइ करिस हे। ये ह कोनो बड़े औद्योगिक समूह के खिलाफ सरकार के अब तक बड़े कार्रवाई हे।
एखर संग अन्तर्राष्ट्रीय बॉस्केट बॉल खिलाड़ी पूनम चतुर्वेदी ल विशेष परिस्थिति म सहायक ग्रेड-3 के पद म छत्तीसगढ़ शासन म नियुक्ति देय करे के निरणय ले गिस हे। ध्यान दें बता हे कि चतुर्वेदी ह बीते 8-9 बरस ले छत्तीसगढ़ म निवास करत हुए राज्य की बॉस्केट बॉल टीम के प्रतिनिधितत्व करे हे। छत्तीसगढ़ बॉस्केट बॉल टीम ल विभिन्न राष्ट्रीय प्रतियोगिता मन म 11 स्वर्ण, 3 रजत अउ 2 कांस्य पदक दिलवाए म अहम भूमिका निभाईस हे।
विधि एवं विधायी कार्य विभाग (निर्वाचन) के अन्तर्गत मुख्य निर्वाचन पदाधिकारी छत्तीसगढ़ के कारयलय म अतिरिक्त मुख्य निर्वाचन पदाधिकारी के एक पद स्वीकृत करे के निरणय ले गिस। श्रम विभाग म पंडित दीनदयाल उपाध्याय श्रम अन्न सहायता योजना के क्रियान्वयन बर अक्षय पात्रा फाउण्डेशन के संगवारी संस्था टच स्टोन फाउण्डेशन भिलाई के नामांकन कर ओखर अउ श्रम विभाग के बीच म 30 दिसम्बर 2017 के होय एमओयू के अनुमोदन आज के बइठक म करे गिस। ये योजना म टच फाउण्डेशन ह रायपुर शहर के तेलीबांधा, गांधी मैदान अउ उरला म, दुर्ग जिला के कुम्हारी अउ सुपेला म, राजनांदगांव शहर के जय स्तंभ चौक के तीर चाउड़ी म अउ बिलासपुर के बृहस्पति बाजार स्थित चाउड़ी म योजना के संचालन करे जात हे। योजना म असंगठित/निरमान मजदूर मन ल सिरफ 5 रूपिया म अउ संगठित मजदूर मन ल सिरफ 10 रूपए म गर्म भोजन द जात हे। रायगढ़ म भी योजना 17 मार्च 2018 ले शुरू हो गे हे। राज्य योजना आयोग म अस्थाई रूप ले पूर्णकालिक सदस्य के एक अतिरिक्त पद सृजित करे के स्वीकृति के भी अनुसमर्थन करे गिस।
