11 अगस्त के मानव श्रृंखला बना के राजधानी म फहराए जाही 15 किमी लंबा तिरंगा

रायपुर। राजधानी म 11 अगस्त के आमापारा ले पं. रविशंकर शुक्ल विश्वविद्यालय परिसर तक लगभग 15 किलोमीटर लंबा तिरंगा मानव श्रृंखला बना के फहराए जाही। ये लंबा तिरंगा ल फहराए के बीड़ा वसुधैव कुटुम्बकम फाउंडेशन के टीम ह उठाए हे अउ एखर तियारी पाछु के एक महीना ले चलत हे। ये ऐतिहासिक कार्यक्रम के मुख्य अतिथि मुख्यमंत्री भूपेश बघेल ह रइही।

प्रेस क्लब म आयोजित पत्रकार वार्ता म ये बात ल माँ बंजारी गुरुकुल विद्यालय के प्राचार्य हरीश भाई जोशी ह बताईस हे। श्री जोशी ह कहिन कि भारत के सबले लंबा तिरंगा फहराए के अउ विश्व रिकॉर्ड बनाए के लक्छ हमर प्रदेस के लोगन मन मानव श्रृंखला के रूप म येला सफल बनाए म अपन योगदान दिही।