थाना परिसर म खुद ल आग लगा लिस आरक्षक ह

रायपुर. गिधपुरी थाना म पदस्थ आरक्षक ह थाना परिसर म ही खुद ल आग लगा लीस. ये घटना बीते रात के हे. आरक्षक के नाम यज्ञ साहू बताय जात हे. जेखर हालत गंभीर बताय जात हे.जेला इलाज बर रायपुर रिफर करे गिस. आरक्षक ल बचात बेरा म एक आरक्षक घलो झुलस गिस.

आरक्षक ह कखर सेती ले आग लगाइस हे. ये कारन मन के अभु पता नई चल पाइस हे. आरक्षक के ये तरह ले आत्महत्य़ा कर म कतको प्रश्न चिन्ह खड़ा होवत हे. मामला बलौदाबाजार जिला के गिधपुरी थाना के हे. जिहां यज्ञ साहू नाम के आरक्षक ह थाना परिसर म ही आत्मदाह करे के कोशिश करिस. मउका म पुलिस कर्मचारी मन ह आरक्षक ल बचाए के कोशिश करिन. जे मा एक आरक्षक घलो आग म झुलस गे.