Corona: छत्तीसगढ़ म बीते 24 घंटा म सामने आय हे 1229 नवा मरीज, राजधानी म घलो 143 पाजिटिव

जय जोहार। छत्तीसगढ़ म पिछिले 24 घंटा म कोरोना (corona) के 1229 नवा मरीज के पहचान होय हे। उहचे 716 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 12 लोगन मन के मौत हो गे हे।

बीते 24 घंटा म कोरोना (corona) के जेन नवा मरीज मिले हे, ओमा रायपुर ले 143, बिलासपुर ले 117, कोरबा ले 86, राजनांदगांव ले 83, दुर्ग ले 82, बलौदाबाजार ले 81, बालोद ले 74, रायगढ़ ले 73, सरगुजा ले 67, जांजगीर-चांपा ले 57, कोरिया ले 43, सूरजपुर ले 42, धमतरी ले 39, महासमुंद ले 29, गरियाबंद अऊ बेमेतरा ले 26-26, कवर्धा ले 23, कांकेर ले 21, मुंगेली ले 16, बस्तर ले 15, जशपुर अऊ कोंडागांव ले 11-11 मरीज शामिल हे।

बता देन कि प्रदेश म कोरोना (corona) संक्रमित मन के संख्या ह 2 लाख 46 हजार 809 हो गे हे। जेमा ले 20 हजार 48 एक्टिव मामला हे। उहचे 2 लाख 23 हजार 772 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 2989 कोरोना संक्रमित मरीज मन के मौत हो गे हे।