chhattisgarh : सीएम ह आज गोधन न्याय योजना के हितग्राही मन ल करही 10 करोड़ 90 लाख रुपिया के भुगतान

जय जोहार। (chhattisgarh) मुख्यमंत्री भूपेश बघेल ह 16 जून के बिहनिया 11 बजे रायपुर के अपन निवास कार्यालय म आयोजित वर्चुअल कारीकरम के माध्यम ले गोधन न्याय योजना के तहत पशुपालक ग्रामीण, गौठान ले जुड़े महिला समूह अउ गौठान समिति ल 10 करोड़ 90 लाख रुपिया ऑनलाइन जारी करही।

जेमा 1 जून ले 15 जून तक राज्य के गौठान म पशुपालक ग्रामीण, किसान, भूमिहीन ले ख़रीदे गोबर के एवज म 2.95 करोड़ रुपिया भुगतान, गौठान समिति ल 4.79 करोड़ अउ महिला समूह ल 3.16 करोड़ रुपिया के लाभांस रासि सामिल हे । गोधन न्याय योजना अंतर्गत अब तक हितग्राही मन ल 272 करोड़ 20 लाख रुपिया के भुगतान करे जा चुके हे ।