![Raipur : सीएम भूपेश बघेल ह पंडित रविशंकर शुक्ल के पुण्यतिथि म करीन नमन cm bhupesh e1670253644524](https://jayjohar.com/wp-content/uploads/2019/08/cm-bhupesh-e1670253644524.jpg)
Raipur : सीएम भूपेश बघेल ह पंडित रविशंकर शुक्ल के पुण्यतिथि म करीन नमन
जय जोहार। (Raipur) सीएम भूपेश बघेल ह स्वतंत्रता संग्राम सेनानी अउ अविभाजित मध्यप्रदेश के पहिली मुख्यमंत्री पंडित रविशंकर शुक्ल के 31 दिसम्बर के पुण्यतिथि म ओमन ल नमन करीन हे । सीएम श्री बघेल ह किहीन कि पंडित रविशंकर शुक्ल ह लोकप्रिय जननेता अउ कुशल प्रशासक रिहीन ।
वोहा मुख्यमंत्री रहत हुए छत्तीसगढ़ अंचल म शिक्षा, स्वास्थ्य अउ सिंचाई समेत कई ठीन क्षेत्र के विकास योजना म महती भूमिका निभाइन । स्वतंत्रता संग्राम के दउरान रविशंकर जी ह कई राष्ट्रीय आंदोलन म सक्रिय अउ शीर्ष भूमिका निभाइन । ए दउरान छत्तीसगढ़ म वोहा अंग्रेजी हुकूमत के विरूद्ध मनखे मन ल जागरूक करीन अउ गांधी जी के विभिन्न आंदोलन म सहयोग बर प्रेरित करीन ।