वन मंत्री केदार कश्यप अउ पूर्व सांसद दिनेश कश्यप मातृ-शोक

रायपुर। वन अउ जलवायु परिवर्तन मंत्री केदार कश्यप अउ पूर्व सांसद अउ जिला केंद्रीय सहकारी बैंक के अध्यक्ष दिनेश कश्यप के माताजी मनकी देवी कश्यप के निधन ले बस्तर अंचल सहित पूरा प्रदेश म शोक के लहर फैल गे हे।

निधन के सूचना मिलत ही उखर गृहग्राम फरसागुड़ा म शोक संवेदना व्यक्त करइया के तांता लग गिस। अंतिम दर्शन अउ श्रद्धांजलि अर्पित करे बर बड़का संख्या म आम नागरिक अउ स्थानीय जनप्रतिनिधि गांव पहुंचिन।

शोक सन्देश पाकर शिक्षा मंत्री गजेन्द्र यादव, विधायक किरण सिंह देव अउ विधायक चैतराम अटामी फरसागुड़ा पहुंचिस। ओमन ह दिवंगत मनकी देवी कश्यप के पार्थिव शरीर के अंतिम दर्शन कर श्रद्धांजलि अर्पित करिन अउ शोकाकुल परिवार ले भेंट करके अपन संवेदना व्यक्त करिन।

एखर अलावा अनुसूचित जनजाति आयोग के अध्यक्ष रूपसिंह मंडावी, पूर्व विधायक संतोष बाफना, मोहन मरकाम, छत्तीसगढ़ आदिवासी, स्थानीय स्वास्थ्य परंपरा अउ औषधि पादप बोर्ड के अध्यक्ष विकास मरकाम सहित अनेक वरिष्ठ नेता अउ जनप्रतिनिधि घलो श्रद्धांजलि दे बर पहुंचिस। जम्मों झन ह ईश्वर ले दिवंगत आत्मा के शांति अउ कश्यप परिवार ल ए दुख के सहन करे के शक्ति प्रदान करे के प्रार्थना करिन।