रायपुर। किसान मन म आधुनिक तकनीक अपनाके उन्नत खेती करे के प्रवृत्ति निरंतर बढ़त हे। कृषि विभाग के केन्द्र प्रवर्तित एग्रीकल्चर एक्सटेंशन रिफॉर्म्स (आत्मा) योजना ए दिशा म प्रभावी भूमिका निभात हे। राजनांदगांव जिला के छुरिया विकासखण्ड के ग्राम अछोली अउ चांदो के प्रगतिशील किसान एकांत चंद्राकर अउ विवेक वैष्णव के उन्नत खेती के सपना साकार होइस।
दुनों किसान मन ह टेलीविजन के माध्यम ले देश-विदेश, विशेषकर इजराइल जइसन देश म हाईटेक कृषि यंत्र ले होत खेती ल देखके आधुनिक तकनीक अपनाए के इच्छा व्यक्त करे रीहिन। नवम्बर 2025 म ओमन ह कृषि विभाग ले संपर्क करिन। उप संचालक कृषि टीकम सिंह ठाकुर के मार्गदर्शन म आत्मा योजना अंतर्गत ओमन ल राज्य के बाहर शैक्षणिक भ्रमण बर मध्यप्रदेश के इंदौर स्थित लाभगंगा एग्जीबिशन सेंटर म आयोजित फार्म-टेक इंडिया अंतर्राष्ट्रीय कृषि मेला म भेजे गिस, जिहाँ जिला के कुल 6 किसान मन ह सहभागिता करिन।
तीन दिवसीय मेला म मल्टीनेशनल कंपनी द्वारा प्रदर्शित नवीन कृषि यंत्र के प्रत्यक्ष अवलोकन अउ विशेषज्ञ ले संवाद कर किसान मन के आत्मविश्वास बढ़िन। भ्रमण पश्चात किसान मन ह मशीन-बेड प्लांटर कम सीडर मशीन अउ हैरो मशीन क्रय करके मक्का, गेहूं अउ सरसों के फसल के बोआई करिन। मशीन ले बोआई करे ले लागत म कमी, उचित दूरी म बीज-उर्वरक उपयोग अउ खरपतवार नियंत्रण म लाभ मिलिस। किसान मन के कहिना हे कि आत्मा योजना के माध्यम ले परंपरागत खेती ले उन्नत खेती के न सिर्फ जानकारी मिलत हे, बल्कि एला अपनाए के मार्ग घलो प्रशस्त होत हे।
Other Articles
वन मंत्री केदार कश्यप अउ पूर्व सांसद दिनेश कश्यप मातृ-शोक
